قوعام • 18 مامىر، 2021

الماتىنى تاسقىننان قورعايتىن بوگەتتىڭ قۇرىلىسى باستالدى

18 رەت كورسەتىلدى

قر توتەنشە جاعدايلار ۆيتسە-ءمينيسترى مارات كۇلدىكوۆ الماتى قالاسىنداعى «شۇقىربۇلاق» سەل ۇستاۋ بوگەتىنىڭ قۇرىلىسىمەن تانىستى، دەپ حابارلايدى Egemen.kz.

توتەنشە جاعدايلار مينيسترلىگىنىڭ ءباسپاسوز قىزمەتىنىڭ مالىمەتىنشە، بۇل جوبا الماتى قالاسى مەن الماتى وبلىسىنىڭ بىرنەشە الەۋمەتتىك نىسانىن تاسقىننان قورعاۋعا ارنالعان.

ترانسشەكارالىق سۋ كوزى سانالاتىن قورعاس وزەنىنىڭ قازاقستان اۋماعىنداعى بولىگىندە 116 مۇزدىق پەن 36 مۇزدى كول بار. وسى كولدەردىڭ گيدرولوگيالىق جاعدايىن تاسقىن كەزىندە رەتتەۋ ءۇشىن قورعاس وزەنى باسسەينىندەگى «شۇقىربۇلاق» سەل ۇستاۋ بوگەتى، «قورعاس-1» جانە «قورعاس-2» گيدروتەحنيكالىق نىساندارى سالىنىپ جاتىر.

قۇرىلىس جوباسىن ازىرلەۋشىلەردىڭ ايتۋىنشا، ينجەنەرلىك-قورعاۋ كەشەنى باسقىنشى اۋىلىن، قورعاس اۋىلىنىڭ وڭتۇستىك بولىگىن، «دوستىق» گيدروتورابى مەن ونىڭ سۋارۋ ارنالارىن تاسقىننان قورعاۋى ءتيىس.

«قۇرىلىس «قورعاس» شەكاراماڭى ىنتىماقتاستىعىنىڭ حالىقارالىق ورتالىعىن، تەمىرجول جانە اۆتوموبيل كوپىرلەرىن، باتىس ەۋروپا – باتىس قىتاي اۆتوجولدارىن، سونداي-اق قازاقستان – قىتاي گاز قۇبىرى ۋچاسكەسىن قيراۋدان، سۋ باسۋدان قورعايدى»،  دەدى مينيسترلىكتىڭ ءباسپاسوز قىزمەتىنەن.

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار