ءبىلىم • 18 مامىر، 2021

500 مىڭنان اسا وقۋشى ساۋىقتىرۋ دەمالىسىنا جىبەرىلەدى – بعم

17 رەت كورسەتىلدى

الەۋمەتتىك وسال وتباسىلاردان شىققان 500 مىڭنان استام وقۋشى بيىل جازعى دەمالىس كەزىندە ساۋىقتىرۋ ورىندارىنا جىبەرىلەدى، دەپ حابارلايدى Egemen.kz.

قر ءبىلىم جانە عىلىم مينيسترلىگى وسى جازدا 13 مىڭ بالالار لاگەرى مەن دەمالىس ۇيىمدارىنىڭ جۇمىسىن ۇيىمداستىرۋ جوسپارلانعانىن حابارلادى. قاراجات جەرگىلىكتى اتقارۋشى ورگانداردىڭ بيۋدجەتىنەن بولىنەتىن بولادى. ەگەر ەپيدەميولوگيالىق جاعداي ناشارلاماسا، جازعى دەمالىسقا 1 ميلليوننان استام وقۋشى بارا الادى.

جازعى ساۋىقتىرۋ ناۋقانى وقۋ جىلى اياقتالعاننان كەيىن بىردەن باستالادى. بۇل رەتتە بالالار لاگەرلەرىن اشۋ جانە ولاردىڭ تولىمدىلىعى تۋرالى شەشىمدى وڭىرلىك سانيتارلىق دارىگەرلەر قابىلدايدى. مۇنىڭ ءبارى وڭىرلەردەگى ەپيدەميولوگيالىق جاعدايعا بايلانىستى.

«سانيتارلىق نورمالار قاتاڭ ساقتالۋى كەرەك. وڭىرلەر ءتيىستى جۇمىس جۇرگىزدى، ساۋىقتىرۋ لاگەرلەرى بالالاردى قابىلداۋعا دايىندالىپ جاتىر. وڭىردەگى سانيتارلىق-ەپيدەميولوگيالىق جاعداي ەسكەرىلەتىن بولادى. سانيتارلىق دارىگەرلەرمەن بىرگە بالالاردىڭ قاۋىپسىز دەمالۋى قامتاماسىز ەتىلۋى كەرەك. بالالاردىڭ قۇقىقتارىن قورعاۋ كوميتەتى بۇل ماسەلەنى باقىلاۋعا الۋعا ءتيىس»، دەپ تاپسىردى ءبىلىم جانە عىلىم ءمينيسترى اسحات ايماعامبەتوۆ.

سونىمەن قاتار جازعى كەزەڭدە وليمپيادالىق رەزەرۆتەگى جازعى مەكتەپتەر، ءتىل مەكتەپتەرى، دەبات كلۋبتارى جانە ءتۇرلى دامىتۋ ۇيىرمەلەرى جۇمىس ىستەيدى.

قاۋىپسىزدىكتى قامتاماسىز ەتۋ ماقساتىندا، جەدەل ارەكەت ەتۋ ءۇشىن ارنايى جۇمىس توبى قۇرىلدى. ونىڭ قۇرامىنا ءبىلىم باسقارمالارى باسشىلارىنىڭ ورىنباسارلارى، مۇددەلى مەملەكەتتىك ورگاندار مەن قوعامدىق ۇيىمداردىڭ وكىلدەرى كىرەدى.

رەسپۋبليكانىڭ بارلىق وڭىرىندە «قاۋىپسىز اتتراكتسيون» رەيدتىك ءىس-شارالار وتكىزىلەدى. سونىمەن بىرگە «بالاعا لايىق» جوباسى باستالدى. ماسەلەن جازعى ۋاقىتتا بالالاردىڭ قۇقىقتارىن قورعاۋ كوميتەتىنىڭ رەسمي پاراقشالارىندا بالالار مەن ولاردىڭ اتا-انالارى ماقۇلداعان ءدامحانالاردىڭ، ساياباقتاردىڭ، سكۆەرلەردىڭ جانە باسقا دا وبەكتىلەردىڭ فوتوسۋرەتتەرى ورنالاستىرىلاتىن بولادى.

سونداي-اق تجم-مەن بىرلەسىپ سۋدا جانە ءورت كەزىندە بالالاردىڭ قاۋىپسىزدىگىن قامتاماسىز ەتۋدىڭ بىرىڭعاي تاسىلدەرى ازىرلەندى. اتا-انالارعا قىراعىلىق تانىتىپ، بالالاردى ۇلكەندەردىڭ قاراۋىنسىز سۋ قويمالارىنا جىبەرمەۋگە كەڭەس بەرەمىز.

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار