«18 قاڭتاردان باستاپ كاسىپكەرلىك نىساندارىنىڭ قىزمەتى مەن ەپيدەميولوگيالىق احۋال اراسىنداعى تەڭگەرىمدى ساقتاۋ ماقساتىندا «Ashyq» جوباسى ىلكى رەجيمدە ىسكە قوسىلىپ, 26 ساۋىردەن بەرى بۇكىل ەل اۋماعىنا تاراتىلدى. بۇگىندە «Ashyq» جۇيەسى قىزمەتتىڭ بارلىق سالاسىندا شامامەن 6 مىڭ نىساندى قامتيدى جانە 1 ملن 400 مىڭ قولدانۋشى تىركەلگەن. جۇيە ىسكە قوسىلعان ساتتەن باستاپ «قىزىل» جانە «سارى» مارتەبەمەن 3 256 كەلۋشى انىقتالدى. ولاردىڭ ىشىندە پتر-ءدىڭ وڭ ناتيجەسىمەن 1 867 ناۋقاس جانە 1 389 بايلانىستا بولعان ادام بار», دەدى مينيستر.
سونىمەن قاتار ول «Ashyq» جۇيەسى 12 مامىردان باستاپ نۇر-سۇلتان قالاسىنىڭ اۋەجايىندا ىسكە قوسىلعاندىعىن, ال 21 مامىردان الماتى اۋەجايىندا قولدانىلاتىندىعىن اتاپ ءوتتى.
ءمينيستردىڭ ايتۋىنشا, ەلوردا اۋەجايىندا جۇيەنىڭ كومەگىمەن پتر-ءدىڭ وڭ ناتيجەسى بار 37 ناۋقاس جانە بايلانىستا بولعان 37 ادام انىقتالعان.
