وتكەن دەمالىس كۇندەرى سارىارقا اۋدانى قوسشىعۇل ۇلى, 14 مەكەنجايىندا ءداستۇرلى اۋىلشارۋاشىلىق جارمەڭكەسى باستالدى. ەندى ءار سەنبى جانە جەكسەنبى سايىن ەلوردانىڭ ءار اۋدانىندا ۇيىمداستىرىلىپ وتىرادى, سونداي-اق بۇل جارمەڭكە قاراشا ايىنا دەيىن جالعاسىن تابادى.
«وسى دەمالىس كۇندەرى سارىارقا اۋدانىندا كەزەكتى اۋىلشارۋاشىلىق جارمەڭكەسى باستالدى. مۇندا تاۋار وندىرۋشىلەر ءوز ونىمدەرىن الىپساتار دەلدالدارسىز ساتا الادى. سول سەبەپتى ازىق-ت ۇلىك باعاسى ارزان كۇيدە ساۋدالانادى. قالا تۇرعىندارىنا قاجەتتى ازىق-ت ۇلىك ونىمدەرىنىڭ ءبارى ۇسىنىلعان: ەت, ءسۇت ونىمدەرى, كوكونىس, ماي, جارما, بال سەكىلدى ءتۇرلى ونىمدەر بار», دەيدى جارمەڭكە ۇيىمداستىرۋشىسى ايتۋعان كۇزەرباەۆ.
جارمەڭكەگە اقمولا, شقو, جامبىل وبلىستارىنىڭ تسەلينوگراد اۋدانىنىڭ اۋىلشارۋاشىلىق تاۋار وندىرۋشىلەرى جانە نۇر-سۇلتان قالاسىنىڭ كاسىپكەرلەرى قاتىسۋدا. ونىمدەردىڭ بارىندە قاجەتتى ساپا سەرتيفيكاتى بار.
بۇل قالا اۋماعىنداعى ەكىنشى جارمەڭكە. ال ءبىرىنشىسى 17 ءساۋىر كۇنى ەسىل اۋدانى, ساۋران, 7 مەكەنجايىندا اشىلعان بولاتىن.
