ايماقتار • 17 مامىر، 2021

ەلوردانىڭ «جاسىل بەلدەۋ» اۋماعىندا قانداي اڭ-قۇس مەكەندەيدى؟

2 رەت كورسەتىلدى

جاساندى ورمان فلوراسىن قۇرۋ ماقساتىندا ەلوردانىڭ قورشاعان ورتانى قورعاۋ جانە تابيعاتتى پايدالانۋ باسقارماسى «استانا ورمانى» جشس-مەن بىرلەسىپ، «جاسىل بەلدەۋ» فاۋناسىن دامىتۋدى جالعاستىرۋدا. وسى ماقساتتا قىرعاۋىل اسىرايتىن ورىن قالپىنا كەلتىرىلدى، دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.

بۇگىندە «جاسىل بەلدەۋ» اۋماعىندا قويان، قارساق، تۇلكى، كەكىلىك، قارعا، قىرىق قۇس مەكەندەيدى. سونداي-اق قىرعاۋىلداردى ءوسىرۋ (ينترودۋكتسيالاۋ) جۇرگىزىلۋدە.

بيىل قىرعاۋىل تۇقىمداسىنىڭ سانىن ارتتىرۋ ماقساتىندا «جاسىل بەلدەۋ» اۋماعىندا قىرعاۋىل فەرماسىن قايتا جاڭارتۋ جۇرگىزىلدى. ونىڭ ۋچاسكەسىنىڭ اۋدانى 1،2 گا قۇرايدى.

فەرما ينكۋباتوردان، بالاپاندارعا ارنالعان ورىنداردان، كوبەيۋ كەزەڭىنە ارنالعان عيماراتتاردان، قىستا ۇستاۋعا ارنالعان قورشاۋلاردان تۇرادى. قىرعاۋىل ايماعىنىڭ جالپى ورنالاسۋى قولدانىستاعى لاندشافتقا ۇيلەسىمدى تۇردە سايكەس كەلەدى. نىساننىڭ جوبالىق قۋاتتىلىعى – جىلىنا 2000 باس.

«جاسىل بەلدەۋ» اۋماعىندا قىرعاۋىلداردى ءوسىرۋ زيانكەستەردەن (جاندىكتەردەن) قورعاۋدىڭ بيولوگيالىق ءتاسىلى بولىپ سانالادى. جاسىل ايماقتى ورمان جاعدايىنا بارىنشا بەيىمدەۋگە، قازاقستاندا قىرعاۋىلداردىڭ مەكەندەۋ ورنىن كەڭەيتۋگە ىقپال ەتەدى»، دەپ اتاپ ءوتتى ءتيىستى باسقارما.

سوڭعى جاڭالىقتار

ۇقساس جاڭالىقتار