ونەر • 17 مامىر، 2021

ەۋروۆيدەنيە بايقاۋى تىكەلەي ەفيردە كورسەتىلەدى

4 رەت كورسەتىلدى

«حابار» تەلەارناسى «ەۋروۆيدەنيە» حالىقارالىق ءان بايقاۋىنىڭ جارتىلاي فينالدارى مەن اقتىق كەزەڭىن تىكەلەي ەفير ارقىلى كورسەتەدى، دەپ حابارلايدى Egemen.kz.

بايقاۋ 18-22 مامىر كۇندەرى ارالىعىندا نيدەرلاندىنىڭ روتتەردام قالاسىندا وتەدى.

18 جانە 20 مامىر كۇندەرى نۇر-سۇلتان ۋاقىتىمەن ساعات تۇنگى 01:00-دە جارتىلاي فينالدار، ال 22 مامىردا (مامىردىڭ 22-ىنەن 23-ىنە قاراعان ءتۇنى) ساعات 01:00-دە – گراند-فينال وتەدى.

بايقاۋعا 39 ەل قاتىسادى. ولاردىڭ قاتارىنا 2020 جىلى وتكىزىلمەگەن بايقاۋدىڭ ارمەنيا جانە بەلارۋستەن باسقا بارلىق قاتىسۋشى ەلدەر كىردى. ۆەنگريا مەن چەرنوگوريا قارجى سەبەپتەرىمەن بايقاۋعا قاتىسۋدان تاعى باس تارتتى.

ءان بايقاۋىنا ەۋروپا حابار تاراتۋ وداعىنا مۇشە ەلدەردىڭ ءوتىنىم بەرگەن ءبىر وكىلىنەن قاتىسىپ وتىر. فەستيۆال تىكەلەي ەفيردە وتكىزىلۋدە. بيىلدان باستاپ بۇعان دەيىن جازىپ الىنعان بەك-ۆوكالدى پايدالانۋعا رۇقسات بەرىلگەن. بۇل دەلەگاتسيا مۇشەلەرىنىڭ سانىن قىسقارتۋ، ءاربىر ءوتىنىمنىڭ شىعارماشىلىق الەۋەتىن كەڭەيتۋ جانە حابار تاراتۋشى ۇيىمداستىرۋشىنىڭ تەحنيكالىق جۇكتەمەسىن ازايتۋ ماقساتىندا جاسالىپ وتىر.

كورسەتىلىمدى «حابار» تەلەارناسىنىڭ كورەرمەندەرى ءۇشىن تانىمال قازاقستاندىق جۇرگىزۋشىلەر قالدىبەك جايسانباي مەن ماحاببات ەسەن جۇرگىزەدى.

 

سوڭعى جاڭالىقتار

بيىل 755 اۋىل اكىمى سايلانادى

قوعام • بۇگىن، 12:15

ۇقساس جاڭالىقتار