ايماقتار • 17 مامىر، 2021

جاستار پراكتيكاسى جۇمىسپەن قامتيدى

12 رەت كورسەتىلدى

شىمكەنت قالاسىندا «ەڭبەك» مەملەكەتتىك باعدارلاماسى ارقىلى جاستاردى جۇمىسپەن قامتۋ باعىتىندا جۇيەلى جۇمىستار جۇرگىزىلۋدە، دەپ حابارلايدى Egemen.kz.

باعدارلامانىڭ ءۇشىنشى باعىتى – جاستار پراكتيكاسى جوعارى وقۋ ورىندارى مەن كوللەدج تۇلەكتەرىنىڭ مەڭگەرگەن ماماندىعى بويىنشا باستاپقى جۇمىس تاجىريبەسىن الۋ ماقساتىندا ۇيىمداستىرىلعان.

باعدارلاما اياسىندا بۇگىندە جاس تۇلەكتەر جۇمىسپەن قامتىلىپ، ەڭبەك تاجىريبەلەرىن ارتتىرۋدا.

سونداي جاستىڭ ءبىرى – ادىلەت بازارباي.

جاس مامان «راديوتەحنيكا ەلەكترونيكا جانە تەلەكوممۋنيكاتسيا» ماماندىعى بويىنشا كوللەدجدى ءبىتىرىپ، جۇمىسپەن قامتۋ ورتالىعىندا جۇمىسسىز رەتىندە تىركەلگەن.

«ەڭبەك» باعدارلاماسى ارقىلى «قازاقتەلەكوم» اق وڭتۇستىك ايماقتىق تەلەكوممۋنيكاتسيا ديرەكتسياسىنىڭ فيليالىنا جولداندى. وسىلايشا جاستار پراكتيكاسى شەڭبەرىندە جۇمىس تاپقان مامان جاستاردى باعدارلاماعا قاتىسۋعا شاقىرادى.

بيىل قالالىق جۇمىسپەن قامتۋ ورتالىعى تاراپىنان 2500 جاستى اتالعان باعدارلاما اياسىندا جۇمىسقا ورنالاستىرۋ جوسپارلانعان. جاستار پراكتيكاسى بويىنشا تاجىريبە جيناقتاپ جۇرگەن تۇلەكتەرگە 25 اەك كولەمىندە جالاقى تولەنەدى. جىل باسىنان بەرى 600-دەن استام شىمكەنتتىك جاس تاجيريبەدەن وتۋدە.

سوڭعى جاڭالىقتار

ستۋدەنتتەردىڭ ستيپەندياسى كوبەيەدى

ايماقتار • 11 ماۋسىم، 2021

ۇقساس جاڭالىقتار