«17 مامىر ادەتتەگىدەي جۇمىس كۇنى. پرەزيدەنت قاسىم-جومارت توقاەۆ بەكىتىلگەن كەستەگە سايكەس جۇمىس ىستەيدى. سوندىقتان ەشقانداي ءىس-شارا ۇيىمداستىرىلمايدى, ءتىپتى, اكىمشىلىك قىزمەتكەرلەرىنە دە پرەزيدەنتتى قۇتتىقتاۋعا رۇقسات ەتىلمەدى. مەملەكەت باسشىسى ءۇشىن بۇگىن قالىپتى جۇمىس كۇنى. ونىڭ اۋلەتىندە بالالاردىڭ دا, ۇلكەندەردىڭ دە تۋعان كۇنىن تويلاۋ ءداستۇرى قالىپتاسپاعان.
قازىردىڭ وزىندە كورشى مەملەكەتتەردىڭ باسشىلارى جانە ۇكىمەت, پارلامەنت, حالىقارالىق ۇيىمداردىڭ جەتەكشىلەرى جۇرەكجاردى تىلەكتەرىن جەدەلحاتتار ارقىلى جولداۋدا, سونداي-اق تەلەفون شالىپ قۇتتىقتاۋدا», دەلىنگەن بەرىك ءۋاليدىڭ فەيسبۋكتەگى جازباسىندا.
ايتا كەتەيىك, پرەزيدەنتتىڭ تۋعان كۇنىنە وراي قۇتتىقتاۋلار تولاسسىز كەلىپ جاتىر.
