سارىاعاش اپب-نە 2008 جىلى جەرگىلىكتى تۇرعىن ءوزىنىڭ تانىسى وزبەكستان ەلىنەن ءىرى كولەمدە ەت اكەلىپ بەرەمىن دەپ, 2,5 ميلليون تەڭگەسىن جىمقىرىپ كەتكەنىن ايتىپ ارىزدانعان.
«اتالعان جايتتى پوليتسەيلەر قر قىلمىستىق كودەكسىنىڭ 190-بابى (الاياقتىق) بويىنشا تىركەپ, ىزدەستىرۋ جۇمىستارىن جاساعان. الايدا اقپارات كوزىنىڭ جوقتىعىنا بايلانىستى قىلمىسكەردى ۇستاۋ وڭايعا تيمەگەندىكتەن, ىزدەۋگە قويىلعان. سارىاعاشتىق پوليتسەيلەر كۇدىكتىنى انىقتاۋ ماقساتىندا ۇزدىكسىز جۇمىستىر جاسادى. ناتيجەسىندە جەدەل ۋاكىلدەر توبى كۇدىكتى ازاماتتى اقپارات كوزدەرى ارقىلى ماسكەۋ قالاسىنان انىقتاپ, بولىمگە جەتكىزدى. بەلگىلى بولعانداي ورتا جاستاعى كۇدىكتى ازامات 10 جىل بويى رەسەي فەدەراتسياسىندا جۇمىس ىستەپ جۇرگەن جەرگىلىكتى تۇرعىن ەكەنى بەلگىلى بولدى», دەلىنگەن سارىاعاش اپب تاراتقان حابارلامادا.
بۇگىنگى تاڭدا ايعاقتى زات رەتىندە كۇدىكتىدەن اقشا الىنىپ, زاڭدى يەسىنە قايتارىلدى. ۇستالعان ەر ازامات قاماۋعا الىنعان. قازىرگى تاڭدا كۇدىكتى ازاماتقا قاتىستى تەرگەۋ امالدارى جۇرگىزىلۋدە.
