ەلوردا • 16 مامىر، 2021

التاي كولگىنوۆ: ەلوردا اۋلالارىن جايلى ەتەمىز

20 رەت كورسەتىلدى

ەلوردا اكىمى التاي كولگىنوۆ Instagram پاراقشاسىندا بيىل 160 اۋلا مەن قوعامدىق كەڭىستىك اباتتاندىرىلاتىنىن ءمالىم ەتتى، دەپ حابارلايدى Egemen.kz

«اۋلالارىمىزدى جايلى ەتۋ ءۇشىن اۋقىمدى جۇمىستار جۇرگىزىپ كەلەمىز. قالا تۇرعىندارى تەرەزەدەن اۋلالارىنىڭ سولعىن كورىنىسىن ەمەس، كەرىسىنشە، وزىندىك كەسكىن-كەلبەتى قالىپتاسقان اۋلالاردى كورۋى قاجەت.

اۋلالاردى كوپفۋنكتسيونالدى ەتەمىز، ولار بالالار ءۇشىن دە، اعا بۋىن ءۇشىن دە قىزىق بولماق. بيىلدىڭ وزىندە اباتتاندىرۋ جۇمىستارى 160 اۋلا مەن قوعامدىق كەڭىستىكتى (ساياباقتار، سكۆەرلەر، بۋلۆارلار) قامتيدى. ەلوردانى «نۇر-سۇلتان – جايلى قالا» ماستەر-جوسپارى اياسىندا دامىتىپ كەلەمىز.

ماسەلەن، بىلتىر 76 گەكتاردان استام اۋماقتى سالىپ، اباتتاندىردىق. بۇل – تۇرعىنداردىڭ اۋلالارى، ءبىزدىڭ قالالىقتار تازا اۋادا ۋاقىت وتكىزەتىن قوعامدىق كەڭىستىكتەر، سونىمەن قاتار اۋدانداردى بايلانىستىراتىن قالاداعى ەڭ تانىمال ۋچاسكەلەر. وسىلايشا قالادا سەرۋەنگە بارلىق جاعداي جاسالىپ كەلەدى.

قازىرگى جۇمىستاردى ەسكەرە وتىرىپ، قالا تۇرعىندارىنىڭ جارتىسىنان استامىندا جاياۋ قاشىقتىقتا جايلى ۋاقىت وتكىزۋگە، سپورتپەن شۇعىلدانۋعا ارنالعان ورىندار پايدا بولادى. بۇگىن بىرقاتار اۋلانىڭ قۇرىلىس بارىسىمەن تانىستىم. مىسالى، بايقوڭىر اۋدانىندا: بەيسەكباەۆ كوشەسى 21، 21/1، سەيفۋللين كوشەسى 69/1، 69/2، اباي داڭعىلى 101، 101/1، 101/2، تسيولكوۆسكي كوشەسى، 1; الماتى اۋدانىندا: ب.مومىش ۇلى داڭعىلى، 12 جانە ت. ب.

قالانىڭ بارلىق اۋداندارى جۇمىسپەن قامتىلدى. ونىڭ ىشىندە ەلدى مەكەندەر دە بار. سونداي-اق اباتتاندىرۋ جۇمىستارىنا «بيۋدجەتكە قاتىسۋ» جوباسى كومەكتەسەدى. جوبا اياسىندا تۇرعىندار قانداي اۋلانى كورگىسى كەلەتىنىن، ءبىرىنشى كەزەكتە نە قاجەت ەكەنىن ايتادى.

اۋلالاردى جوبالاۋ كەزىندە بالالاردىڭ دا، اعا بۋىننىڭ دا مۇددەسىن ەسكەرەمىز. اۋلاىشىلىك اۋماقتاردا تۇرعىنداردىڭ مۇددەلەرىن ەسكەرە وتىرىپ، فۋتبول/باسكەتبول الاڭدارىن، بالالار ويىن الاڭدارىن، جاتتىعۋ الاڭدارىن، ۆوركاۋت-ايماقتاردى، جايلى كۇركەلەردى، يتتەردى سەرۋەندەتۋگە ارنالعان الاڭداردى جانە ت. ب. ورناتامىز.

جاس كەزىنەن باستاپ بالالاردى بەلسەندى سالاۋاتتى ءومىر سالتىن ۇستانۋعا ۇيرەتۋ ماڭىزدى. وسىلايشا، شولەيت جەرلەردە، قاراۋسىز قالعان جەرلەردە تازا اۋادا ۋاقىت وتكىزۋگە ارنالعان جاڭا جايلى ورىندار پايدا بولادى.

مەملەكەت باسشىسىنىڭ تاپسىرماسى بويىنشا قالانى اباتتاندىرۋ كەزىندە كوگالداندىرۋعا ەرەكشە كوڭىل بولەمىز. تەك وسى جىلدىڭ وزىندە 1 ملن-نان استام جاسىل جەلەك (اعاشتار، بۇتالار، كوشەتتەر جانە ت.ب.)، ونىڭ ىشىندە ەلوردانىڭ «جاسىل بەلدەۋىنە» وتىرعىزامىز»، دەپ جازدى ەلوردا اكىمى.

سوڭعى جاڭالىقتار

كىتاپسىز دا دۇنيە بوس

پىكىر • بۇگىن، 09:33

جاس شەشەندەر سايىسى

وقيعا • بۇگىن، 09:29

ەل ەرتەڭىنە قامقورلىق كۇشەيەدى

باعدارلامالار • بۇگىن، 09:21

جاستارمەن جۇزدەسۋ

وقيعا • بۇگىن، 09:13

اۋىل بالالارىنىڭ ءۇمىتىن ۇكىلەيدى

باعدارلامالار • بۇگىن، 09:05

قانت ءوندىرىسىنىڭ قاۋقارى قانداي؟

ەكونوميكا • بۇگىن، 08:51

ىندەتپەن كۇرەستە ىركىلمەگەن مامان

كوروناۆيرۋس • بۇگىن، 08:34

ارمانىنا جەتكەن جان

رۋحانيات • بۇگىن، 08:30

وتانشىلدىق – تاۋەلسىزدىك تىرەگى

رۋحانيات • بۇگىن، 08:16

العىس ارقالاعان جاناشىر جاندار

مەديتسينا • بۇگىن، 08:01

حەم اعاي

ادەبيەت • كەشە

نەسيە كورسەتكىشى ارتتى

ەكونوميكا • كەشە

ۇقساس جاڭالىقتار