ايماقتار • 15 مامىر، 2021

اقتاۋدا سۋ سورعى جابدىقتارىن دايىندايتىن زاۋىت سالىنادى

28 رەت كورسەتىلدى

بيىل اقتاۋدا سۋ سورعى جابدىقتارىن دايىندايتىن زاۋىت سالىنادى، دەپ حابارلايدى Egemen.kz

كاسىپورىن مۇناي وندىرىسىنە قاجەتتى قۇبىرلار شىعارادى. جوبا قۇنى – 14،2 ملرد تەڭگە. كاسىپورىن ىسكە قوسىلعاندا جىلىنا 120 مىڭ دانا سورعى شتانگىلەرى مەن وعان قاجەتتى 150 مىڭ مۋفتالار وندىرىلمەك. ال شىعارىلعان ءونىمنىڭ 50% ىشكى نارىقتا قالىپ، قالعان 50% ەكسپورتقا شىعارىلادى دەپ جوسپارلانىپ وتىر.

تۇراقتى 200 جاڭا جۇمىس ورنى اشىلادى. سۋ سورعى جابدىقتارىن دايىندايتىن زاۋىت بيىلعى ماۋسىم ايىندا باستالىپ، 2022 جىلى پايدالانۋعا بەرىلەدى. سونىمەن قاتار ءوڭىر باسشىسىنا «اقتاۋ تەڭىز پورتى» اەا №1 سۋبايماعىندا سالىناتىن تاعى ءبىر جاڭا زاۋىتتىڭ جوباسى تانىستىرىلدى.

ينۆەستيتسيالىق جوبا مۇناي وندىرىسىنە قاجەتتى حيميالىق قوسپالار شىعارادى. زاۋىت ىسكە قوسىلعاندا ەلىمىزدە بالاماسى جوق 20-دان استام حيميا قوسپالارىن شىعاراتىن بىرەگەي كاسىپورىن بولماق. زاۋىت جىلىنا 8000 توننا بەنزالكوني ءحلوريدى، پولياكريل قىشقىلى، كورروزيا ينگيبيتورى كونتسەنتراتىن شىعارادى.

تۇراقتى 40 ادام جۇمىسپەن قامتىلادى. جوبا قۇنى – 1،7 ملرد تەڭگە. 30%-ى كومپانيانىڭ جەكە ەسەبىنەن قارجىلاندىرىلسا، قالعان 70%-ى وتاندىق ينۆەستورلاردىڭ ەسەبىنەن سالىنادى. جوبا قۇرىلىسى 2021 جىلى باستالىپ، 2023 جىلى اياقتالادى دەپ جوسپارلانىپ وتىر.

سوڭعى جاڭالىقتار

دوللار قايتادان قىمباتتادى

قارجى • بۇگىن، 15:00

ۇقساس جاڭالىقتار