تاريح • 15 مامىر، 2021

اتىراۋدا مايدانگەر ايدىن ايباروۆ ومىردەن وزدى

24 رەت كورسەتىلدى

اتىراۋ قالاسىندا بۇگىن ەكىنشى دۇنيەجۇزىلىك سوعىسىنا قاتىسقان ايدىن ايباروۆ 100 جاسقا قاراعان شاعىندا ومىردەن وزدى، دەپ حابارلايدى Egemen.kz

«مايدانگەردىڭ جاسى بيىل جۇزگە قاراپ ەدى. عاسىر جاساعان اقساقال بىلتىر تىڭ بولاتىن. وتكەندە عانا جەڭىس كۇنىمەن قۇتتىقتاي بارعاندا، ءسال سىرقاتتانىپ جاتقان ەدى... ايدىن اقساقال وت پەن وقتىڭ ورتاسىنان ورالعان سوڭ بار عۇمىرىن ەلدىڭ دامۋىنا ارنادى. لاۋازىمدى قىزمەتتەر اتقارىپ، جاستارعا ۇلگى-ونەگە كورسەتتى. بار تىلەگى -تاۋەلسىز ەلىنىڭ ماڭگى بولىپ، ۇرپاعىنىڭ بەيبىت ءومىر ءسۇرۋى بولاتىن. ءسىزدىڭ ەرلىگىڭىز، ورلىگىڭىز، عيبراتتى عۇمىرىڭىز تاريح بولىپ جازىلدى. ەل جادىندا جاڭعىرا بەرەدى! باقۇل بولىڭىز، حالىقتىڭ ارداقتى ۇلى»، دەپ جازدى Facebook پاراقشاسىندا وبلىس اكىمى ماحامبەت دوسمۇحامبەتوۆ.

ايدىن ايباروۆ 1921 جىلى 16 قازان كۇنى ماقات اۋدانى دوسسور پوسەلكەسىندە دۇنيەگە كەلگەن. ءوز ەركىمەن مايدانعا اتتانىپ، چكالوۆ پەن پەرمدەگى ۇشقىشتار دايارلايتىن ۋچيليششەلەردە وقىپ شىعادى. بىتىرگەننەن كەيىن 49 ۇشقىشتار پولكىندا، 956 اۆياتسيالىق پولكىندا بارلاۋشى ۇشقىش بولادى.

سوعىستان كەيىن بەلورۋسسيا مەن پرۋسسيانى ازات ەتۋگە قاتىسىپ، ەلگە 1947 جىلى ورالادى. ەكىنشى دارەجەلى «داڭق» وردەنىمەن، «وتان سوعىسى» وردەنىمەن ماراپاتتالعان. تۋعان جەرىنە كاپيتان شەنىن الىپ كەلگەننەن كەيىن  ەڭبەك جولىن وبلىستىق  «سوتسياليستىك قۇرىلىس» (بۇگىنگى «اتىراۋ») گازەتىندە ادەبي قىزمەتكەر بولىپ جالعاستىرادى. كەيىن قالالىق پارتيا كوميتەتىنىڭ ەكىنشى حاتشىسى، قالالىق اتقارۋ كوميتەتىنىڭ توراعاسى قىزمەتتەرىن اتقارىپ، بىرنەشە كاسىپورىننىڭ پارتيا قىزمەتەترىنە جەتەكشىلىك ەتىپ، ءوڭىردىڭ دامۋىنا كوپ كۇش-جىگەر جۇمساپ، اتسالىستى.  بيىل اتىراۋ وبلىسىنداعى جەڭىس كۇنىن ەكى ارداگەردىڭ قارسى الىپ وتىرعانىن جازعان بولاتىنبىز. بىلتىر عانا ولاردىڭ سانى سەگىز بولاتىن.

سوڭعى جاڭالىقتار

ستۋدەنتتەردىڭ ستيپەندياسى كوبەيەدى

ايماقتار • 11 ماۋسىم، 2021

اقتوبە وبلىسىنا باس يمام تاعايىندالدى

تاعايىنداۋ • 11 ماۋسىم، 2021

ۇقساس جاڭالىقتار