ايماقتار • 15 مامىر، 2021

باتىستا جاس ساربازدار اتىس جاتتىعۋىنا قاتىستى

365 رەت كورسەتىلدى

«باتىس» وڭىرلىك قولباسشىلىعىنىڭ اسكەري بولىمدەرىنە شاقىرىلعان جاس ساربازدار العاش رەت اتىس جاتتىعۋىنا قاتىستى، دەپ حابارلايدى Egemen.kz

وڭىرلىك قولباسشىلىقتىڭ ءباسپاسوز قىزمەتىنىڭ اقپاراتىنا سۇيەنسەك، اقتوبە، اتىراۋ جانە بەينەۋ گارنيزوندارىنىڭ 200-دەن استام اسكەري قىزمەتشىسى العاشقى جاۋىنگەرلىك اتىس جاتتىعۋىن وتكىزىپ، «اتلەتيزم. تاباندىلىق. باتىلدىلىق» كەدەرگىلەرىنىڭ جولاعىن باعىندىرعان.

«اتىس جاتتىعۋلارى – جاس ساربازدردىڭ دايارلىق ءۇردىسىنىڭ شەشۋشى كەزەڭدەرىنىڭ ءبىرى. اسكەريلەر بۇل ءىس-شارانى «وق-ءدارىنىڭ ءيىسىن سەزۋ» دەپ تە ايتادى. جاس ساربازداردىڭ العاشقى اسكەري دايىندىعى بىرنەشە كەزەڭنەن، 24 كۇنگە سوزىلادى. وسى كەزەڭدە ساربازدار تاكتيكالىق، اتىس، دەنە شىنىقتىرۋ، اتىس دايىندىعى سياقتى پاندەردىڭ نەگىزگى تۇسىنىكتەرىمەن تانىسادى. سونداي-اق جاس ساربازدار ساپتىق جاتتىعۋ ەلەمەنتتەرىن، قارۋ-جاراقتىڭ تاكتيكالىق-تەحنيكالىق سيپاتتامالارىن، جالپى اسكەري ەرەجەلەردى مەڭگەرەدى»، دەيدى جاس ساربازدار ۆزۆودىنىڭ كومانديرى، لەيتەنانت عازيز ەرسەيىتوۆ.

العاشقى اتىس جاتتىعۋىنىڭ قورىتىندىسىمەن ەڭ جاقسى ناتيجەنى 100-دەن 93 ۇپاي جيناعان قاتارداعى جاۋىنگەر ەرمەك مۇحانالين كورسەتتى.

«مەن كومانديرلەردىڭ بارلىق نۇسقاۋىن ورىندادىم. كەلەسىدە بۇل ناتيجەنى جاقسارتۋعا تىرىسامىن. ءبىز جاۋىنگەرلىك دايىندىقتىڭ نەگىزدەرىن قىزىعۋشىلىقپەن ۇيرەنىپ، انت بەرۋگە دايىندالىپ ءجۇرمىز. قاسىمداعى جاس ساربازداردا وتانعا قىزمەت ەتۋگە دەگەن ىقىلاس تا، تالپىنىس تا بار»، دەيدى ەرمەك مۇحانالين.

 

سوڭعى جاڭالىقتار

پرەزيدەنت الماتى اكىمىن قابىلدادى

پرەزيدەنت • بۇگىن، 14:07

وتكەن تاۋلىكتە 187 ادام ىندەت جۇقتىردى

كوروناۆيرۋس • بۇگىن، 10:40

دوللار ارزاندادى

قارجى • كەشە

ۇقساس جاڭالىقتار