2021 جىلدىڭ 1 قاڭتارىنان 13 مامىرىنا دەيىن اۋداندىق سانيتاريالىق-ەپيدەميولوگيالىق باقىلاۋ باسقارمالارى شەكتەۋ جانە كارانتين شارالارىن بۇزعانى ءۇشىن جالپى سوماسى 118 728 975 تەڭگەگە 561 جەكە, زاڭدى تۇلعانى اكىمشىلىك جاۋاپكەرشىلىككە تارتتى.
سونىمەن قاتار شەكتەۋ جانە كارانتين شارالارىن بۇزعانى ءۇشىن بىرنەشە رەت اكىمشىلىك جاۋاپكەرشىلىككە تارتىلعانىنا قاراماستان ءتيىستى تالاپتاردى ورىنداماعان 47 كاسىپكەرلىك سۋبەكتىسىنە قاتىستى نۇر-سۇلتان قالاسىنىڭ مامانداندىرىلعان اۋدانارالىق اكىمشىلىك سوتىنا 52 ماتەريال جىبەرىلدى.
سوت بارلىعى 36 نىساننىڭ قىزمەتىن توقتاتتى جانە 6 ملن تەڭگەدەن استام سوماعا اكىمشىلىك ايىپپۇل سالدى.
13 مامىر كۇنى ەلوردانىڭ مونيتورينگتىك توپتارى قالانىڭ كاسىپكەرلىك نىساندارىنىڭ كارانتيندىك جانە شەكتەۋ شارالارى بۇزىلۋىنىڭ ءتورت فاكتىسىن انىقتادى.
سارىارقا اۋدانىندا «داستارحان» كافەسى مەن «تۋراندوت» مەيرامحاناسى سانيتارلىق نورمالاردى ساقتاماعان. ورىن سانى بويىنشا شەكتەۋلەرگە قاراماستان, مەكەمەلەردىڭ بىرىندە ءبىر ۋاقىتتا 75 ادام, ەكىنشىسىندە – 67 ادام بولعان.
بايقوڭىر اۋدانىندا كارانتين رەجيمىن بۇزعانى ءۇشىن اكىمشىلىك جاۋاپكەرشىلىككە «گاسترو بار» كافەسى تارتىلدى.
الماتى اۋدانىندا شەكتەۋ شارالارىن ساقتاماۋدىڭ 1 فاكتىسى تىركەلىپ, «Sultani MIX» كافەسى بەلگىلەنگەن جۇمىس رەجيمىن بۇزعان.
جينالعان ماتەريالدىڭ ءبارى سانيتارلىق-ەپيدەميولوگيالىق باقىلاۋ باسقارماسىنا قۇقىق بۇزۋشىلارعا قاتىستى ءتيىستى شارالار قابىلداۋ ءۇشىن تاپسىرىلدى.
ەستەرىڭىزگە سالا كەتەيىك, نۇر-سۇلتان ەكى ايدان بەرى ەپيدەميولوگيالىق احۋالدى باعالاۋ ماتريتساسى بويىنشا «قىزىل» ايماقتا تۇر. قالاداعى ەپيدەميولوگيالىق جاعداي ءالى دە تۇراقسىز بولىپ وتىر. قالا تۇرعىندارى مەن قوناقتارى, سونداي-اق كاسىپكەرلىك نىسادارى وزدەرىن جانە جاقىندارىن قورعاۋ ءۇشىن سانيتارلىق نورمالار مەن تالاپتاردى قاتاڭ ساقتاۋى ءتيىس.
