قاراعاندى كومىر بايىتۋ فابريكاسىنىڭ قۇرىلىسى بىلتىر قىركۇيەك ايىندا باستالسا دا, بۇگىندە Qaz Carbon جشس ساعاتىنا 300 تونناعا دەيىن جوعارى سىنىپتى كومىر كونتسەنتراتىن وندىرەدى. كاسىپورىن شيكىزاتتىڭ جالپى تاۋ-كەن ماسساسىنان پايدالى قازبانى بارىنشا شىعارۋدى جۇزەگە اسىرۋعا مۇمكىندىك بەرەتىن بىرەگەي تەحنولوگيانىڭ ناتيجەسىندە كىرىس ك ۇلى 15%-دان وزىندىك ك ۇلى 2-3%-عا دەيىنگى كومىردى بايىتا الادى. بۇكىل پروتسەسس حيميالىق رەاگەنتتەردى جانە سۋدى تازارتۋ باسسەيندەرى ءۇشىن ۇلكەن الاڭداردى قولدانباستان جابىق تسيكلدە جۇرەدى. بۇل ءوز كەزەگىندە قورشاعان ورتاعا كەرى اسەردى تومەندەتىپ, ءوندىرىس ۋاقىتى مەن شىعىندارىن ازايتادى, ناتيجەسىندە دايىن ءونىمنىڭ وزىندىك قۇنىنا اسەر ەتەدى.
«دايىن ءونىمنىڭ ساپاسى مەن ءوندىرىستىڭ تەحنولوگيالىلىعىن ساقتاۋدى باقىلاۋ تولىعىمەن اۆتوماتتاندىرىلعان جانە ءوندىرىستى باسقارۋ ورتالىعىنىڭ وپەراتورى ارقىلى جۇزەگە اسىرىلادى. بۇل بىزگە قاراعاندى فابريكاسى كومىر كونتسەنتراتىنىڭ بارلىق قولدانىستاعى حالىقارالىق ستاندارتتارعا سايكەستىگى تۋرالى نىق سەنىممەن ايتۋعا مۇمكىندىك بەرەدى. كاسىپورىن نولدەن باستاپ قۇرىلدى. بۇل جوعارى ناتيجەلەرگە قول جەتكىزۋ ءۇشىن ەڭ از نيۋانستى ەسكەرۋگە مۇمكىندىك بەردى. ءبىزدىڭ كونتسەنترات ساپالى, وزىندىك قۇنىنىڭ تومەندىگى جانە جىلدام جەتكىزۋ ارقىلى ورگانيكالىق ەنەرگيا تاسىمالداۋشىلاردىڭ حالىقارالىق نارىعىندا باسەكەگە قابىلەتتى», دەدى Qaz Carbon جشس اكتسيونەرى ەرلان نىعماتۋلين.
جوبانىڭ جالپى قۇنى, سونىڭ ىشىندە بايىتۋ فابريكاسىن سالۋعا جانە ىسكە قوسۋعا, سونداي-اق قولدانىستاعى قۇيۋ ءوندىرىسىن جاڭعىرتۋعا بايلانىستى قۇنى 12 ملرد تەڭگەنى, قازاقستاننىڭ دامۋ بانكىنىڭ قاتىسۋى 9 ملرد تەڭگەنى, قالعان قاراجات Qaz Carbon جشس-نىڭ مەنشىكتى قاتىسۋىن قۇرادى.
شيكىزاتتىڭ نەگىزگى جەتكىزۋشىلەرى – جەرگىلىكتى كومىر كاسىپورىندارى. دايىن ءونىمنىڭ نەگىزگى تۇتىنۋشىسى – YDD Corporation جشس قاراعاندى فەرروقورىتپا زاۋىتى. الايدا بايىتۋ فابريكاسى ءوڭىردىڭ ەكسپورتتىق گەوگرافياسىن بەلسەندى تۇردە كەڭەيتۋدى جوسپارلاپ وتىر, ياعني قاراعاندى كومىر كونتسەنتراتىنىڭ ەداۋىر بولىگى ەكسپورتقا جىبەرىلەدى.
«قدب قارىز قاراجاتى يندۋستريالىق-يننوۆاتسيالىق دامۋدىڭ مەملەكەتتىك باعدارلاماسى شەڭبەرىندە بەرىلدى. ويتكەنى جوبا ەكسپورتتىق الەۋەتتى كەڭەيتۋگە, قازاقستاندىق وڭدەۋ سەكتورىن دامىتۋعا جانە يمپورتتىڭ ورنىن باسۋعا, سونداي-اق قاراعاندى ءوڭىرىنىڭ الەۋمەتتىك-ەكونوميكالىق جاعدايىن ارتتىرۋعا باعىتتالعان. Qaz Carbon جشس – الەمدەگى تۇراقسىز ەكونوميكالىق جانە ەپيدەميالىق جاعدايعا قاراماستان, فابريكانى قىسقا مەرزىمدە, ياعني 7 اي ىشىندە ىسكە قوسىپ, وڭىردە 100-دەن استام تۇراقتى جۇمىس ورنىن قۇرا العان ماڭىزدى سەرىكتەس. قدب كومانداسىنىڭ اتىنان كاسىپورىندى جۇمىستىڭ باستالۋىمەن قۇتتىقتايمىن جانە تابىس تىلەيمىن», دەدى قدب باسقارما توراعاسى اباي سارقۇلوۆ.
Qaz Carbon جشس اكتسيونەرى دەۆيد كەمەرتەليدزەنىڭ ايتۋىنشا, كومىر بايىتۋ زاۋىتىن سالۋ جوباسىن جۇزەگە اسىرۋ كاسىپورىن كومانداسىنىڭ ۇيلەسىمدى جۇمىسىنىڭ, سونداي-اق قۇرىلتايشىلاردىڭ قازاقستاندا ءىرى ينۆەستيتسيالىق جوبالاردى ىسكە اسىرۋداعى مول تاجىريبەسىنىڭ ناتيجەسىندە ءبىر جىلعا جۋىق ۋاقىت ىشىندە ىسكە اسىرىلدى.
ء«بىز ءۇشىن بۇل قازاقستانداعى العاشقى جوبا ەمەس. بۇدان بۇرىن دا وسىنداي اۋقىمداعى ونەركاسىپتىك وبەكتىلەردى ىسكە قوستىق جانە ەلدىڭ قوسىلعان قۇنى جوعارى ءونىمدى جاساۋ ءۇشىن ۇلكەن شيكىزات بازاسىنا, بىرەگەي ينۆەستيتسيالىق احۋالعا, ۇلتتىق دامۋ ينستيتۋتتارى اتىنان مەملەكەت تاراپىنان قولداۋعا كوز جەتكىزدىك. وسىنىڭ ءبارى قاراعاندىدا ءوڭىردى وندىرىستىك كوشباسشىلارعا شىعارا الاتىن تاعى ءبىر جوعارى دەڭگەيدەگى زاۋىتتىڭ پايدا بولۋىنا ىقپال ەتتى», دەدى كاسىپورىن اكتسيونەرى.
ايتا كەتەلىك, ەل بيۋدجەتىنە قۇيىلاتىن سالىقتىڭ بولجامدى ءتۇسىمى 300 ملن تەڭگەنى, ەڭبەك ونىمدىلىگى ءبىر ادامعا 8 ملن تەڭگەنى قۇرايدى.
