وسىعان بايلانىستى نۇر-سۇلتان قالاسىنىڭ سانيتاريالىق-ەپيدەميولوگيالىق باقىلاۋ دەپارتامەنتى شەكتەۋ سيپاتىنداعى بارلىق شارالاردى ەسكەرۋدى جانە ساقتاۋدى, اتاپ ايتقاندا, بەتپەردە تاعۋدى, نامازدان كەيىن قول الىسپاۋدى, ناماز اياقتالعاننان كەيىن بىردەن مەشىتتىڭ اۋماعىن بوساتۋدى, ۇجىمدىق نامازعا كامەلەتكە تولماعانداردى اكەلمەۋدى, جرۆي بەلگىلەرىمەن نامازعا بارۋدان باس تارتۋدى ۇسىنادى. قاۋىپتى ۆيرۋستىق اۋرۋ پاندەمياسى ءبارىنىڭ دەنساۋلىعىنا قاۋىپ توندىرۋدە.
ەلوردادا COVID-19 ىندەتى بويىنشا ەپيدەميولوگيالىق جاعداي ءالى دە تۇراقسىز. قالا ەكى ايدان بەرى قىزىل ايماقتا ورنالاسقان. كۇنىنە 250-دەن 450-گە دەيىن جاعداي تىركەلۋدە. ەلوردا تۇرعىندارى مەن قوناقتارى مەرەكە كۇندەرى تۇسىنىستىكپەن قاراپ, كارانتين رەجيمىن قاتاڭ ساقتاۋدى سۇرايمىز.
پاندەميا كەزىندە الەۋمەتتىك قاشىقتىقتى ساقتاۋ وتە ماڭىزدى. ورازا ايت مەرەكەسىنىڭ ءمان-ماعىناسى – حالىقتىڭ بىرلىگىن بەكەمدەپ, ىنتىماعىن ارتتىرۋ. سوندىقتان ءتيىستى ۇسىنىستاردى تولىعىمەن ورىنداۋعا جانە پاندەميامەن كۇرەستە جاۋاپكەرشىلىك پەن بىرلىكتى كورسەتۋگە شاقىرامىز.
