تسەلينوگراد اۋدانىنىڭ پب كەزەكشى بولىمىنە توڭكەرىس اۋىلىنىڭ تۇرعىنىنان التىنسارين اۋىلىنىڭ ماڭىندا جاياۋ جۇرگىنشىنى بەلگىسىز بىرەۋدىڭ قاعىپ كەتكەنى تۋرالى تەلەفون حابارلاماسى كەلىپ ءتۇستى. زارداپ شەگۋشىنىڭ جاعدايى اۋىر ەكەنى انىقتالدى.
وقيعا ورنىنا كەلگەن پوليتسەيلەر الدىن الا مالىمەتتەر بويىنشا, ەكاتەرينبۋرگ-الماتى تاس جولىنىڭ 1241 شاقىرىمىندا Subaru Forester ماركالى اۆتوكولىگىنىڭ جۇرگىزۋشىسى التىنسارين اۋىلىنىڭ 25 جاستاعى تۇرعىنىن باعدارشامنىڭ تىيىم سالاتىن سيگنالىنا ءوتىپ بارا جاتقان جولاقتا سوعىپ كەتكەنىن انىقتادى. جول-كولىك وقيعاسى سالدارىنان زارداپ شەككەن ادام نۇر-سۇلتان قالاسىنداعى اۋرۋحانالاردىڭ بىرىنە جاتقىزىلدى.
اتالعان فاكتى بويىنشا ءتارتىپ ساقشىلارى اۆتوكولىك جۇرگىزۋشىسىنە قاتىستى قر قك 345-بابى (كولىك قۇرالدارىن باسقاراتىن ادامداردىڭ جول قوزعالىسى نەمەسە كولىك قۇرالدارىن پايدالانۋ ەرەجەلەرىن بۇزۋى) بويىنشا سوتقا دەيىنگى ءىس جۇرگىزۋدى باستادى.
