وقيعا 4 مامىر كۇنى كابلۋكوۆ كوشەسىندە ورىن العان. زارداپ شەككەن جۇرگىزۋشىنىڭ تۋىسى شامامەن 14.00-دە Infiniti جۇرگىزۋشىسى قارسى جولعا شىقپاق بولىپ, Toyota Mark II كولىگىنە جول بەرمەگەنىن حابارلادى.
«بەلگىسىز سەبەپتەرمەن ول باۋىرىممەن قاقتىعىسىپ قالدى. سونداي-اق ەسىنەن تانعانشا اياۋسىز ۇرىپ, جاتقان جەرىندە قالدىرىپ كەتتى. ءبىز پوليتسياعا شاعىمداندىق, بىراق ناتيجە بولمادى. باۋىرىمنىڭ اۋرۋحانادا جاتقانىنا التى كۇن بولدى. ەشكىم ءالى كەشىرىم سۇراعان جوق», دەدى جاريالانىم اۆتورى الەۋمەتتىك جەلىلەردە.
پوليتسيا وكىلدەرى قازىر بۇل دەرەكتى بوستاندىق اۋداندىق پوليتسيا باسقارماسى تەرگەپ جاتقانىن حابارلادى.
«ول قىلمىستىق كودەكستىڭ 293-بابى «بۇزاقىلىق» بويىنشا سوتالدى تەرگەۋدىڭ بىرىڭعاي تىزىلىمىندە تىركەلدى. ءوتىنىش بەرۋشىنىڭ جاراقاتتارىنىڭ اۋىرلىق دارەجەسىن انىقتاۋ ماقساتىندا سوت-مەديتسينالىق ساراپتاما تاعايىندالدى. ونىڭ ناتيجەسىندە ءىس بويىنشا پروتسەستىك شەشىم قابىلدانىپ, ءمان-جاي انىقتالادى», دەدى الماتى پوليتسيا دەپارتامەنتىنىڭ ءباسپاسوز قىزمەتى وكىلى.
