ايماقتار • 11 مامىر، 2021

اتىراۋلىق جۇرگىزۋشى پوليتسيادان قاشقانى ءۇشىن جازالاندى

119 رەت كورسەتىلدى

اتىراۋدا پوليتسيا قىزمەتكەرلەرىنەن قاشىپ كەتكەن جۇرگىزۋشى 291 700 تەڭگە ايىپپۇل تولەيدى، دەپ حابارلايدى Egemen.kz.

وبلىستىق پوليتسيا دەپارتامەنتى ءباسپاسوز قىزمەتىنىڭ اقپاراتىنا قاراعاندا، تۇنگى ساعات 1:00 شاماسىندا پاترۋلدىك پوليتسيا قىزمەتكەرلەرى اتىراۋ قالاسىنداعى «بارماگلوت» مەيرامحاناسىنىڭ تۇسىندا «ۆاز 2110» ماركالى اۆتوكولىگىنىڭ جولدىڭ قارسى باعىتىنا شىققانى ءۇشىن توقتاتپاق بولعان. بىراق، اۆتوكولىك جۇرگىزۋشىسى پوليتسيا قىزمەتكەرلەرىنەن قاشىپ كەتكەن.

«كەيىن اتالعان اۆتوكولىكتى توقتاتقان كەزدە 23 جاستاعى جۇرگىزۋشىنىڭ پوليتسيا قىزمەتكەرلەرىنىڭ زاڭدى تالابىنا باعىنباي قارسىلىق تانىتقان. جۇرگىزۋشىنىڭ كولىك باسقارۋعا قۇقىعى جوق ەكەنى بەلگىلى بولدى. سول سەبەپتەن، كولىك جۇرگىزۋشىسىنە قاتىستى قر اكىمشىلىك قۇقىقبۇزۋشىلىق تۋرالى كودەكسىنىڭ 667-بابىنىڭ 1-بولىگىمەن (پوليتسيا قىزمەتكەرلەرىنىڭ زاڭدى تالابىنا باعىنباۋ) اكىمشىلىك حاتتاما تولتىرىلىپ، جيناقتالعان ءىس-قۇجاتتار زاڭدى شەشىم قابىلداۋ ءۇشىن اكىمشىلىك سوتقا جولداندى. سونداي-اق 596-بابىنىڭ 5-بولىگىمەن (جۇرگىزۋشى كۋالىگى جوق كۇيدە جولدىڭ قاراما-قارسى باعىتىنا شىعۋ)، 612-بابىنىڭ 2-بولىگىمەن (جۇرگىزۋ قۇقىعى جوق كۇيدە)، 613-بابىنىڭ 1-بولىگىمەن (پوليتسيا قىزمەتكەرلەرىنىڭ توقتاتۋ تالابىن ورىنداماۋ) اكىمشىلىك حاتتتامالار تولتىرىلىپ، 291 700 تەڭگە كولەمىندە ايىپپۇل سالىندى» دەپ حابارلادى دەپارتامەنتتىڭ ءباسپاسوز قىزمەتىنەن.

سوڭعى جاڭالىقتار

دوللار قىمباتتادى

قارجى • كەشە

ۇقساس جاڭالىقتار