«2011 جىلى مۇعالىمنىڭ شوتىنا 1,3 ملن تەڭگە, 2012 جىلى 2 ملن تەڭگە تۇسكەن. جىل سايىن جىمقىرىلعان قارجى كولەمى وسىلاي ۇلعايىپ وتىردى», دەلىنگەن پاۆلودار وبلىستىق سوتىنىڭ حابارلاماسىندا.
بەلگىلى بولعانداي, ەسەپشى قىزمەتكەرلەردىڭ جالاقىسى بويىنشا قۇجاتتاردى تولتىرۋ كەزىندە ينفورماتيكا ءپانى مۇعالىمىنىڭ شوتىنا ارتىق سوما اۋدارىپ كەلگەن. كەيىن ۇستاز بەن بۋحگالتەر سول سومانى ءوزارا ءبولىسىپ الىپ وتىرعان.
الايدا مەكتەپتىڭ قىزمەتكەرلەرى كىنالارىن مويىنداعان جوق. مۇعالىم ارتىق سوما تۋرالى اڭگىمەنى ءبىرىنشى رەت ەستىپ تۇرعانىن ايتسا, ەسەپشى قارجىنى ۇستازدىڭ ءوز ءوتىنىشى بويىنشا اۋدارىپ, كەيىن ودان ءبىر تيىن دا الماعانىن العا تارتادى.
دەگەنمەن, ايعاقتار مەن كۋاگەرلەردىڭ سوزدەرى ايىپتالۋشىلاردىڭ كىنالى ەكەنىن راستادى. ءسويتىپ, مۇعالىم 5 جىلعا, ال بۋحگالتەر 6 جارىم جىلعا باس بوستاندىعىنان ايىرىلدى.
