ANTIKOR • 06 مامىر، 2021

سىبايلاس جەمقورلىققا قارسى اگەنتتىكتىڭ بىرقاتار قىزمەتكەرلەرى ماراپاتتالدى

151 رەت كورسەتىلدى

وتان قورعاۋشىلار كۇنى قارساڭىندا سىبايلاس جەمقورلىققا قارسى قىزمەتتىڭ بىرقاتار قىزمەتكەرلەرى مەملەكەتتىك ناگرادالارعا يە بولدى، دەپ حابارلايدى Egemen.kz.

وتان قورعاۋشىلار كۇنى قارساڭىندا پرەزيدەنت ق.توقاەۆتىڭ جارلىعىمەن ۇلگىلى قىزمەتى، زاڭدىلىق پەن قۇقىقتىق ءتارتىپتى نىعايتۋ ىسىنە ادالدىعى ءۇشىن توراعانىڭ ءبىرىنشى ورىنباسارى ولجاس بەكتەنوۆكە II دارەجەلى «داڭق» وردەنى تابىس ەتىلدى، ال توراعانىڭ ورىنباسارى نۇرلان شابدارعا 3-ساناتتى جوعارى بىلىكتىلىك سىنىبى بەرىلدى.

سونداي-اق اگەنتتىك توراعاسى مەملەكەت باسشىسىنىڭ اتىنان اگەنتتىكتىڭ اپپارات باسشىسى ق.جاپاقوۆقا، اگەنتتىكتىڭ دەپارتامەنت باسشىسى م.احمەتوۆكە، اگەنتتىكتىڭ اتىراۋ وبلىسى بويىنشا دەپارتامەنتىنىڭ باسشىسى ق.سۇلەيمەنوۆكە جانە اگەنتتىكتىڭ باسقارما باسشىسى ق.احمەتقاليەۆكە ءىى دارەجەلى «ايبىن» وردەنىن سالتاناتتى تۇردە تابىس ەتتى.

«قۇرمەت» وردەنىمەن اگەنتتىكتىڭ دەپارتامەنت باسشىسى ل.يىلدىز، «ەرلىگى ءۇشىن» مەدالىمەن اگەنتتىكتىڭ اسا ماڭىزدى ىستەر جونىندەگى وفيتسەرى ب.تولەباەۆ، «ەرەن ەڭبەگى ءۇشىن» مەدالىمەن اگەنتتىكتىڭ جامبىل وبلىسى بويىنشا دەپارتامەنتىنىڭ ءبولىم باسشىسى گ.تۋباەۆ جانە باسقالارى، بارلىعى 15 قىزمەتكەر ماراپاتتالدى.

سونداي-اق، اگەنتتىك توراعاسىنىڭ بۇيرىعىمەن ۇلگىلى قىزمەتى جانە جۇمىسىندا جوعارى ناتيجەلەرگە قول جەتكىزگەنى ءۇشىن ۆەدومستۆولىق ناگرادالارمەن 83 قىزمەتكەر ماراپاتتالدى.

«بۇگىن ماراپاتتالعان قىزمەتكەرلەر ەلباسى مەن ەل پرەزيدەنتىنىڭ ساياساتىن جۇزەگە اسىرۋعا قوسقان ۇلەسى ءۇشىن اتاپ ءوتىلدى. بىزگە وتانىمىز – قازاقستان رەسپۋبليكاسىن قورعاۋدى وسيەت ەتتى. سوندىقتان سىزدەرگە ەلىمىزدىڭ جانە حالقىمىزدىڭ يگىلىگى ءۇشىن، ءوز پارىزدارىڭدى ابىرويمەن جانە ماقتانىشپەن ورىنداپ، بۇدان ءارى دە ەڭبەكتەنۋلەرىڭىزگە تىلەكتەسپىن»، دەدى م.احمەتجانوۆ.

سوڭعى جاڭالىقتار

ءمىنسىز – كىم؟

رۋحانيات • كەشە

سەمەيدەگى سەرپىلىس

ايماقتار • كەشە

ۇقساس جاڭالىقتار