ايماقتار • 06 مامىر، 2021

قىزىلوردادا 52 كاسىپكەرلىك نىسان «Ashyq» جوباسىنا ەندى

9 رەت كورسەتىلدى

بۇل تۋرالى قىزىلوردا وبلىسى كاسىپكەرلەر پالاتاسىنىڭ ديرەكتورى عالىمبەك جاقسىلىقوۆ ايتتى، دەپ حابارلايدى Egemen.kz.

پالاتا ديرەكتورى «Ashyq» جوباسى ارقىلى جۇمىسىن جۇرگىزۋگە نيەتتى كاسىپكەرلەر قاتارىنىڭ ارتىپ كەلە جاتقاندىعىن جەتكىزدى.

«5 مامىرداعى اقپارات بويىنشا وبلىس كولەمىندە 52 كاسىپكەرلىك نىسان QR كود العان. ولاردىڭ 26-سى تەستتىك رەجيمنەن ءساتتى وتكەن، قالعان 25-ءى جۇمىسىن تەستتىك رەجيمدە جۇرگىزۋدە. اتالمىش نىسانداردىڭ ىشىندە باسىمدىق قوعامدىق تاماقتانۋ سالاسىندا، 34-ءى «Ashyq»-قا ەندى»، - دەدى عالىمبەك جاقسىلىقوۆ.

مۇنان وزگە، 8 كومپيۋتەرلىك كلۋب، 2 باسسەين، 2 كينوتەاتر، 2 سپا-ورتالىعى، 2 بيليارد، 1 بوۋلينگ جانە 1 ساۋنا دا «Ashyq» جوباسى اياسىندا جۇمىس جاساۋ جونىندە شەشىم قابىلداپتى. «Ashyq» اسىرەسە قوعامدىق تاماقتانۋ سالاسىنداعى كاسىپكەرلەر ءۇشىن ءتيىمدى بولىپ وتىر.  

پالاتا باسشىسى «Ashyq» جوباسىنا ەنگەن كاسىپكەرلەردىڭ بىرقاتار ارتىقشىلىقتارمەن جۇمىس جاسايتىندىعىن، جالپى جوبانىڭ جۇمىس جاساۋ مەحانيزمىن ءتۇسىندىرۋ ماقساتىندا قالالىق جانە وبلىستىق مونيتورينگتىك توپ مۇشەلەرى اراسىندا تۇسىندىرمە جۇمىستارى جۇرگىزىلگەندىگى جونىندە حاباردار ەتتى.  

سوڭعى جاڭالىقتار

دوللار قىمباتتادى

قارجى • كەشە

ۇقساس جاڭالىقتار