وسى ماسەلەدە ساۋاپتى ىستەرمەن ۇزبەي اينالىسىپ كەلە جاتقان AYALA قايىرىمدىلىق قورى الماتى پەريناتولوگيا جانە بالالار كارديوحيرۋرگياسى ورتالىعىنا زاماناۋي رەانيماتسيالىق جابدىقتاردىڭ 18 بىرلىگىن, ونىڭ ىشىندە دەنە سالماعى وتە تومەن نارەستەلەردىڭ قارقىندى تەراپياسىنا ارنالعان 2 ينكۋباتور, 5 رەانيماتسيالىق ۇستەل, 6 فوتوتەراپيا شامى مەن 5 جوعارى دالدىكتى مەديتسينالىق تارازى بەردى. قوماقتى قاراجاتتى قاجەت ەتەتىن جوبا Halyk Bank-ءتىڭ دەمەۋشىلىك قولداۋىمەن جۇزەگە اسىرىلىپ وتىر. بەرىلگەن جابدىقتىڭ جالپى قۇنى 27 003 750 تەڭگەنى قۇرادى.
– بۇل – وتە ماڭىزدى قايىرىمدىلىق جوبا. سەبەبى اڭگىمە, ەلدىڭ ەرتەڭى – سابيلەردىڭ, جاڭا تۋعان قازاقستاندىقتاردىڭ دەنساۋلىعى تۋرالى بولىپ وتىر. سوندىقتان بانك ءتۇرلى الەۋمەتتىك ماڭىزدى جوبالار بويىنشا بۇرىننان كەلە جاتقان سەرىكتەسىمىز AYALA قورىنىڭ باستاماسىن قولدادى. وسى جابدىقتار مەن جان-جاقتى قولداۋ ارقىلى ورتالىق ماماندارى بالالارعا ۋاقتىلى كومەك كورسەتىپ, دۇنيە ەسىگىن اشقان نارەستەلەردىڭ امان-ەسەن ءومىر سۇرۋىنە سەپتىگىن تيگىزەتىنىنە سەنگىم كەلەدى, – دەيدى Halyk Bank باسقارما توراعاسىنىڭ ورىنباسارى داۋرەن سارتاەۆ.
الماتى قالاسى پەريناتولوگيا جانە بالالار كارديوحيرۋرگياسى ورتالىعى ديرەكتورىنىڭ ورىنباسارى سۆەتلانا ليسوگوردىڭ ايتۋىنشا, اشىلعانىنا 10 جىل بولعان ورتالىقتا مەديتسينالىق جابدىقتار ەسكىرگەن, سوندىقتان ۇنەمى كۇردەلى جوندەۋدى تالاپ ەتىپ, ءجيى ىستەن شىعادى.
– بىزدە ورناتىلعان كوپتەگەن مودەلدەر وندىرىستە جوق بولعاندىقتان, بۇل جيىنتىقتاردى ساتىپ الۋدى قيىنداتادى. اسىرەسە قۇرال-جابدىقتاردىڭ تاپشىلىعى نەوناتالدىق قىزمەت بولىمشەلەرىندە قاتتى سەزىلەدى. ەندى Halyk Bank پەن AYALA قورىنىڭ قولداۋىنىڭ ناتيجەسىندە نەوناتولوگيا بولىمشەسىنىڭ بارلىق قاجەتتىلىگى قاناعاتتاندىرىلدى. دارىگەرلەردىڭ, ءىرى بيزنەس پەن قوردىڭ بىرىككەن قامقورلىعى جاڭا تۋعان نارەستەلەردىڭ ءومىرى مەن دەنساۋلىعىن ساقتاپ قالۋعا كومەكتەسەدى, – دەيدى ول.
قارقىندى تەراپياعا ارنالعان ينكۋباتور جىلۋدىڭ رەتتەلۋى جاڭا تۋعان نارەستەلەردىڭ دەنە تەمپەراتۋراسىن, قاجەتتى ىلعالدىلىقتى جانە وتتەگىنىڭ دەڭگەيىن ۇستايدى. اشىق رەانيماتسيالىق جۇيە شالا تۋعان بالالاردى ەمدەۋ ءۇشىن وڭتايلى ميكروكليماتتىق جاعدايلاردى ۇستاپ تۇرۋ ءۇشىن ارنايى قۇرىلعان. ادەتتە ولار تومەن دەنە سالماعىمەن تۋادى جانە نارەستەلەرگە تەرىدەگى ۇساق تەسىكتەر ارقىلى بۋلانىپ كەتەتىن ىلعالدى جوعالتپاي ۇستاۋ كەرەك. دەنەنىڭ قالىپتى تەمپەراتۋراسى 37,5س اسپاۋى ءتيىس, ءىش تەمپەراتۋراسى 36,2-36,5س شەگىندە بولۋى قاجەت. اشىق رەانيماتسيالىق جۇيەدە وسى كورسەتكىشتەرگە قول جەتكىزۋ ءۇشىن كەرەۋەتتىڭ, اۋانىڭ تەمپەراتۋراسىنىڭ جايلى دەڭگەيى مەن ساۋلەلى جىلۋ بەرۋدىڭ قۋاتى بەلگىلەنەدى.
فوتوتەراپيا شامى جاڭا تۋعان نارەستەلەردىڭ دەنساۋلىعى مەن زياتىن ساقتاي وتىرىپ, ولاردى ەمدەۋگە كومەكتەسەدى. جاڭا تۋعان نارەستەلەردىڭ سارعايۋى – بۇل ورتالىق جۇيكە جۇيەسىنىڭ اۋىر زاقىمدانۋىنا اكەلەتىن ۋىتتى بيليرۋبين دەڭگەيىنىڭ ۇلعايۋى. اسىرەسە ول شالا تۋعان بالالاردىڭ اراسىندا ءجيى كەزدەسەدى. قانداعى ۋىتتى ءبيليرۋبيننىڭ جوعارى دەڭگەيى دامۋداعى كىدىرىستەردى, اتەتويدتى تسەرەبرالدى سال اۋرۋىن, ءىشىنارا نەمەسە تولىق سال اۋرۋىن, قۇرىسۋدى, ەستۋ پروبلەمالارىن قوسا العاندا, بالانىڭ باس ميىنىڭ قايتىمسىز زاقىمدانۋىنا سەبەپ بولۋى مۇمكىن.
AYALA قايىرىمدىلىق قورىنىڭ ماقساتى – قازاقستانداعى سابيلەر مەن بالالار ءولىمىن جانە مۇگەدەكتىكتى ازايتۋ. ول ءۇشىن قور 14 جىلدان بەرى ء«ومىر سىيلايىق» جوباسىن جۇزەگە اسىرىپ كەلەدى. وعان جينالعان بارلىق قاراجات قازاقستان اۋرۋحانالارىنىڭ پەريناتالدىق ورتالىقتارى مەن بالالار بولىمشەلەرىنىڭ رەانيماتسيالارىن ومىرلىك ماڭىزدى جابدىقتارمەن جابدىقتاۋعا جۇمسالادى. 2007 جىلدان باستاپ مۇنداي جابدىقتار ەلىمىزدىڭ 36 قالاسى مەن ەلدى مەكەنىندە ورناتىلدى. قوردىڭ باعالاۋىنشا, بۇل قازاقستاندا جۇزدەگەن مىڭ بالانىڭ ومىرىنە اراشا بولۋعا كومەكتەسكەن.
الماتى
