جاستار اراسىندا ىندەت جۇعۋ ءورشىپ بارادى

مەديتسينا ماماندارى ۇي­دەگى ۇلكەن كىسىلەر قانشا جەردەن ساقتانىپ, سىرتقا شىقپاي وتىرسا دا, كوپ جاعدايدا ولارعا وتباسىنىڭ قىدىرىمپاز مۇشە­لەرى ىندەت جۇقتىرىپ جاتقانى تۋرالى تالاي رەت جىكتەپ بەر­گەنى ەسىمىزدە. ءبىر اپتادا ال­ماتىدا كارانتين شارالارىن بۇزعان 700-گە جۋىق مەكەمەگە ايىپپۇل سالىندى. وعان قوسا تەك سوڭعى ايدا 700 زاڭدى جانە 3 مىڭنان اسا جەكە تۇلعا كارانتين شارالارىن بۇزعانى ءۇشىن جاۋاپكەرشىلىككە تارتىلدى. مىسالى, وسى سارسەنبىدە «بارماگلوت» بارىنا كارانتين تالاپ­تارىن ساقتاماي, 100 ادام جينالعانى ءۇشىن ايىپپۇل سالىندى. «بارماگلوت» بارىمەن قوسىلىپ جۇمىس ىستەگەن, مەدەۋ اۋدانىندا «مياتا» لاۋندج بارىندا 60-قا جۋىق ادام بولعان. ەپيدەميالىق احۋالدى ەلەمەي, كارانتينگە كونبەي كەلە جات­قان مۇنداي نىسانداردىڭ سالا-قۇلاش ءتىزىمىن بۇقارالىق اقپارات قۇرالدارى دا جاريالاپ كەلەدى.

مىنا دەرەككە قاراڭىز, بيىل باق گەرمانيادا كارانتين تالاپتارىن بۇزعاندار ءۇشىن «كۇشتەپ ورنالاستىرۋ مەكەمەسى» پايدا بولۋى مۇمكىن ەكەنىن جازعان ەدى. دەرەككوزدە ساكسونيا بيلىگى وسى باستامانى قولعا الاتىنى, ەرەجەگە باعىنباعانداردىڭ درەزدەن قالاسىنداعى بوسقىنداردى قابىلداۋ ورتالىعىنا جىبەرى­لەتىنى ايتىلادى. بۇل مەكەمە 2017 جىلى سالىنعان ەكەن. مەكەمە توڭىرەگى قورشالعان. ونى پوليتسەيلەر باقىلاپ وتىرادى. مامانداردىڭ سوزىنە قاراعاندا, بۇل مەكەمەگە كارانتين ەرەجەلەرىن بىرنەشە رەت بۇزعاندار عانا كۇشتەپ ورنالاستىرىلادى. ساكسونيانىڭ دەنساۋلىق ساقتاۋ ءمينيسترى ۇقساس باستامانى بىلتىر دا كوتەرگەن ەدى. بىراق ول كەزدە كارانتين ەرەجەلەرىن ەلەمە­گەن­دەردى پسيحياتريالىق ەم­حا­نالارعا, نە قوناقۇي مەن اۋرۋ­حاناعا جىبەرۋ ۇسىنىلعان. الايدا بيلىك بۇل يدەيانى قۇپتاماعان بولاتىن.

قاراپ وتىرساق, الماتىدا بيىلعى 20 ناۋرىز بەن 29 ءساۋىر ارالىعىندا كارانتين تالاپتارىن بەلدەن باسقان 714 نىسان انىقتالدى. تىعىلىپ تويلاتىپ جاتقاندارى قانشاما؟! انىقتالعان نىسانداردىڭ 492-ءسى – مەيرامحانا, ءدامحانا جانە دۇكەندەر, 93-ءى – كومپيۋتەرلىك كلۋب, 15-ءى – بيليارد كلۋبى, 43-ءى – سپا-سالون, 26-سى – ساۋنا, 2-ءۋى – كاليان بارى, 20-سى – كاراوكە كلۋبى, 9-ى – لوتو كلۋب, بىرەۋى – بۋكمەكەرلىك كەڭسە, 15-ءى – تۇنگى كلۋب. 3288 ادامعا اكىمشىلىك جاۋاپكەرشىلىك تۋرالى حاتتاما تولتىرىلدى.

الماتى اكىمدىگى كارانتين شارالارىن – بەتپەردە تاعۋ رەجىمىن, الەۋمەتتىك قا­شىقتىقتى ساقتاۋدى جالعاس­تىرۋعا جاعى تىنباي ۇندەپ وتىرسا دا, ىندەتتىڭ ازا­بىن­ وزى­نەن وتكەرمەي, وعان سەنبەي­تىن­دەر ءالى دە جەتكى­لىكتى. ەپي­دەميولوگتاردىڭ مالى­مەتتەرى بويىنشا بۇگىن­دە الماتىدا 20-39 جاس ارالى­عىنداعى جاس­تار اراسىندا كۆي جۇقتىرۋ ءورشىپ تۇر. كوروناۆيرۋس ينفەكتسياسىن جۇقتىرۋ 34,8%-دان 35,5%-عا دەيىن كوبەيگەن. دەمەك ءالى دە بولسا تۇرعىنداردىڭ جەتەسىنە جەتەتىن اقپاراتتاردى كوبەيتىپ, بارلىق قاۋىپسىزدىك شاراسىن ساقتاۋدى كۇشەيتە ءتۇسۋ قاجەت.

الماتى