تاريح • 30 ءساۋىر، 2021

ۇلى حاننىڭ 310 جىلدىعى ۇلىقتالدى

122 رەت كورسەتىلدى

بۇگىن قىزىلجارداعى «ابىلاي حاننىڭ رەزيدەنتسياسى» مۋزەي-ۇيىندە حاننىڭ 310 جىلدىعىنا ارنالعان رەسپۋبليكالىق عىلىمي-پراكتيكالىق كونفەرەنتسيا بولدى، دەپ حابارلايدى Egemen.kz

وعان ەلىمىزگە بەلگىلى تاريحشى عالىمدار بۇركىتباي اياعان، زيابەك قابىلدين، اقمارال ىبىراەۆا، زارقىن تايشىباي، سونداي-اق سولتۇستىك قازاقستان وبلىستىق ءارحيۆىنىڭ ديرەكتورى س.مالىكوۆا، «ازىرەت سۇلتان» مەملەكەتتىك تاريحي-مادەني قورىق – مۋزەيىنىڭ ديرەكتورى ن.احمەتجانوۆ، ابىلاي حاننىڭ ۇرپاعى، «بوتاي» مەملەكەتتىك تاريحي-مادەني مۋزەي قورىعىنىڭ ديرەكتورى ۋ.قۇلباەۆ، كوكشەتاۋ قالاسىنان «ابىلاي حاننىڭ قارا جولى» ەكسپەديتسياسىن جۇرگىزۋشى م.ىدىرىس ۇلى، اقىن ن.ءشارىپ جانە وسى جولداردىڭ اۆتورى قاتىسىپ، باياندامالار جاسادى.

​كونفەرەنتسيا جۇمىسىن ابىلاي حان رەزيدەنتسياسى مۋزەي-كەشەنىنىڭ ديرەكتورى ايان ساداەۆ اشىپ، جۇرگىزىپ وتىردى. العاشقى ءسوز الىپ، كونفەرەنتسياعا قۇتتىقتاۋ ايتقان وبلىس اكىمىنىڭ ورىنباسارى عاني نىعىمەتوۆ بيىل قازاقستان ۇكىمەتى سولتۇستىك قازاقستان وبلىسىن الەۋمەتتىك-ەكونوميكالىق دامىتۋدىڭ 2021-2025 جىلدارعا ارنالعان ەكىنشى كەشەندى باعدارلاماسىن بەكىتكەنىن، وسى باعدارلامانىڭ اياسىندا ابىلاي حان مۋزەيى رەسپۋبليكالىق دارەجە الىپ، ونىڭ قاراماعىنا ايماقتارداعى جەكە ادامدارعا ارنالعان مۋزەيلەر قاراتىلاتىن اتاپ ءوتتى.

«بۇل دا بولسا قازاقتىڭ ۇلى حانىنا دەگەن قۇرمەتتىڭ بەلگىسى»‚ دەدى ول.

وقىلعان باياندامالاردا ۇلى حاننىڭ ءومىرى مەن قىزمەتىنە شولۋ جاسالىپ جانە وعان قاتىستى جاڭا دەرەكتەر ايتىلىپ، حاننىڭ ەسىمىن وسكەلەڭ ۇرپاق – جاستار اراسىندا ناسيحاتتاي بەرۋ ءۇشىن جانە ەسىمىن ۇلىقتاۋ بويىنشا قانداي ءىس-ارەكەتتەر جاسالۋ كەرەكتىگى ايتىلدى. سونىڭ ىشىندە ونىڭ ەسىمىنىڭ پەتروپاۆل قالاسىنىڭ ءبىر كوشەسىنە ءالى كۇنگە دەيىن بەرىلمەي كەلە جاتقانىنا سىندار ايتىلدى.

ولكەتانۋشى م.ىدىرىس ۇلى وزدەرىنىڭ ابىلاي حاننىڭ جولىمەن ءجۇرىپ وتەتىن جاڭا ەكسپەديتسيا دايىنداپ جاتقاندارىن جەتكىزدى. تۇركىستانداعى «ازىرەت سۇلتان» قورىق-مۋزەيىنىڭ ديرەكتورى ن.احمەتجانوۆ كەسەنەدە ابىلاي حاننىڭ سۇيىكتى جارى قاراشاشتىڭ دا جەرلەنگەنى انىقتالعانىن ايتتى. كونفەرەنتسيا جۇمىسىنىڭ قورىتىندىسى بويىنشا قارار قابىلدانىپ، وندا باسقالارمەن قاتار سولتۇستىك قازاقستان وبلىسى اكىمدىگىنەن قىزىلجار قالاسىندا ءبىر كوشەنىڭ اتى ابىلاي حانعا بەرىلۋى كەرەكتىگى سۇرالدى. كونفەرەنتسيا ماتەريالدارى جەكە جيناق بولىپ شىعاتىن بولدى.

سوڭعى جاڭالىقتار

بالالار Ashyq جۇيەسىنە ەنگىزىلە مە؟

قازاقستان • بۇگىن، 19:20

شىمكەنتتە كارانتين كۇشەيتىلەدى

ايماقتار • بۇگىن، 15:47

اتوم كولگە ساپار

ايماقتار • بۇگىن، 15:37

قازاقستاندا جاڭا تەلەارنا اشىلدى

قازاقستان • بۇگىن، 11:55

ۇقساس جاڭالىقتار