«اسحات قانات ۇلى ءوزىن جاقسى سەزىنەدى», دەپ جاۋاپ بەردى ءبىلىم جانە عىلىم مينيسترلىگىنىڭ ءباسپاسوز قىزمەتى. سونداي-اق ءمينيستردىڭ 2020 جىلدىڭ جازىندا ەكى كومپونەنتپەن ۆاكتسينالانعانىن ايتتى.
ەستەرىڭىزگە سالا كەتەيىك, قر ءبىلىم جانە عىلىم ءمينيسترى اسحات ايماعامبەتوۆ قازاقستاندىق ۆاكتسينانى العاشقىلاردىڭ ءبىرى بولىپ سىناقتان وتكىزگەن بولاتىن.
بۇعان دەيىن قر ءبىلىم جانە عىلىم ءمينيسترى اسحات ايماعامبەتوۆ كوروناۆيرۋسقا قارسى قالاي ۆاكتسينالانعانى جايلى ايتىپ, عىلىمعا سەنۋگە شاقىرعان ەدى. قازاقستاندىق QazVac ۆاكتسيناسىن سىناۋدىڭ ءۇشىنشى كەزەڭى شىلدە ايىندا اياقتالادى.
بيولوگيالىق قاۋىپسىزدىك ماسەلەلەرى عزي باس ديرەكتورى كۇنسۇلۋ زاكاريانىڭ ايتۋىنشا, اتالعان كەزەڭدە وتاندىق ۆاكتسينانىڭ كلينيكالىق زەرتتەۋلەرىنىڭ تولىق ناتيجەلەرىن الۋ جوسپارلانىپ وتىر.
