وسىلايشا قىتاي 2022 جىلعا دەيىن عارىش ستانساسىنىڭ جۇمىسىن باستاۋعا نيەتتى. بۇگىنگى كۇنى وربيتاداعى جالعىز ستانسا – حالىقارالىق عارىش ستانساسى. ال قىتاي ول قوعامداستىقتان شەتتەتىلگەنى بەلگىلى.
جالپى, عارىشتى يگەرۋ ماسەلەسىنە قىتاي كەشتەۋ ارالاستى. العاشقى عارىشكەرلەرىن 2003 جىلى عانا جىبەردى. ءسويتىپ كسرو مەن اقش-تان كەيىنگى عارىشقا ادام جىبەرگەن ءۇشىنشى ەل اتاندى.
قىتاي بۇعان دەيىن دە 2 رەت زىمىران ۇشىردى. Tiangong-1 پەن Tiangong-2 عارىشكەرلەر تەك قىسقا ۋاقىت توقتاي الاتىن تەست ستانسالار ەدى.
جاڭا عارىش ستانساسىنىڭ سالماعى – 66 توننا. Tiangong ستانساسى ءساتتى ورنىققان جاعدايدا 10 جىلعا جۋىق قولدانىسقا جارايدى-مىس. نەگىزگى بولىگى 16,6 مەتر بولاتىن ستانسا كەلگەن عارىشكەرلەرگە ءومىر سۇرۋگە قاجەتتى تەحنولوگيالار مەن قاجەت قۇرىلعىلارمەن قامتىلعان.
بەيجىڭ وسىمەن توقتاماي, الداعى ۋاقىتتا تاعى 10 ستانسا جىبەرۋگە نيەتتى ەكەنىن حابارلادى. جاقىندا عانا حالىقارالىق عارىش ستانساسى جوباسىنىڭ توقتايتىنى ءمالىم بولدى. 2024 جىلعا قاراي وداقتاعى رەسەي, اقش, كانادا, جاپونيا مەن ەۋروپانىڭ بىرقاتار ەلى جەكە-دارا جۇمىس ىستەۋى مۇمكىن. بۇل قىتايدىڭ ءورىسىن اشا تۇسپەك.
قىتايدىڭ عارىشتى يگەرۋگە شىنداپ كىرىسكەنى ەلدەگى ۇگىت-ناسيحاتتان بەلگىلى. ءبىر جاعىنان مۇنى اقش-قا جاۋاپ دەپ تۇسىنۋگە بولاتىنداي. ويتكەنى اقش حالىقارالىق عارىش ستانساسىنان شىعارىپ جىبەرگەننەن كەيىن قىتاي عارىش يندۋسترياسىن وزدەرى جاساۋعا كوشتى.
Tiangong ستانساسى شامامەن كەلەسى جىلدىڭ باسىندا تولىق دايىن بولماق. ونىڭ ءبىر ەرەكشەلىگى – بۇگىندە وربيتادا قوندىرىلعان ستانسادان جەڭىل بولۋىندا.
قىتاي عارىش باعدارلاماسىمەن اينالىساتىن چەن لان بۇل جوبانىڭ ۇلكەن سىناق بولعانىن جاسىرمادى. «بۇل – قىتاي ءۇشىن ۇلكەن ءارى ماڭىزدى جوبا», دەدى ساراپشى.
