جاڭالىقتىڭ دەرەككوزى Instagram-داعى Qaznews24 ساتيرالىق پابليگىنەن الىنعان. بۇل اككاۋنتتىڭ انىقتاماسىندا بارلىق جاريالانىمداردىڭ شىنايى ەمەس, تەك كوڭىل كوتەرۋ ماقساتىندا ويلاپ تابىلاتىندىعى جانە شىندىققا ەش قاتىسى جوق ەكەندىگى جازىلعان.
دەگەنمەن, بلوگەرلەر حابارلامانى دەرەككوزدى كورسەتپەستەن تاراتىپ, وقىرمانداردى «جاڭالىقتىڭ» شىنايىلىعىنا سەندىرگەن.
وسى ورايدا ءىىم شەتەلگە شىعۋ سانىن شەكتەۋ تۋرالى اقپاراتتى جوققا شىعاردى.
«ينستاگرام قولدانۋشىسى كوشى-قون سالاسىنداعى حالىقارالىق كەلىسىمدەرگە قاتىستى جالعان اقپارات جاريالادى. قر ءىىم كوشى-قون قىزمەتى كوميتەتى اقپاراتتىڭ شىندىققا جاناسپايتىنىن حابارلايدى. ءىىم ءوز كەزەگىندە كەلىسىمدەرگە قول قويۋ كەزىندە ەڭ الدىمەن ازاماتتارىمىزدىڭ كونستيتۋتسيالىق قۇقىقتارىن قورعاۋدى باسشىلىققا الادى. قازاقستان رەسپۋبليكاسى كونستيتۋتسياسىنىڭ 21-بابىنىڭ 2-تارماعىنا سايكەس, «اركىمنىڭ رەسپۋبليكادان تىس جەرلەرگە كەتۋىنە قۇقىعى بار. رەسپۋبليكا ازاماتتارىنىڭ رەسپۋبليكاعا كەدەرگىسىز قايتىپ ورالۋىنا قۇقىعى بار», دەلىنگەن ۆەدومستۆونىڭ جاۋابىندا.
ايتا كەتەيىك, قر قك 247-بابىنا سايكەس جالعان اقپارات تاراتۋ زاڭ بويىنشا قۋدالانادى.
