ول اۋرۋ ورشىگەن تۇستا الدىمەن مەديتسينالىق ماسكا كيۋ قاتاڭ ساقتالۋى كەرەكتىگىن ەسكەرتتى. ماسەلەن, قوعامدىق ءۇي-جايلاردا, قوعامدىق كولىكتە 5 جاسقا دەيىنگى بالالاردى قوسپاعاندا قوعامدىق تاماقتانۋ ورىندارىندا بەتپەردە كيۋ تالاپتارى ورىندالۋى ءتيىس ەكەن. ال, «قىزىل» ايماققا ەنۋگە بايلانىستى مەكتەپتەردەگى 1-8 جانە 10 سىنىپتىڭ وقۋشىلارى ونلاين فورماتتا وقۋعا كوشىرىلەدى.
«شەكتەۋ شارالارىنا بايلانىستى تاراز قالاسىندا وزگەرىستەر كوپ بولادى. ماسەلەن, ويىن-ساۋىق, سپورتتىق ءىس-شارالاردى, كورمەلەردى, فورۋمداردى, كونفەرەنتسيالاردى, سونداي-اق, وتباسىلىق, سالتاناتتى, ەستەلىك ءىس-شارالاردى وتكىزۋگە, سەنبى جانە جەكسەنبى كۇندەرى ساۋدا-ويىن-ساۋىق ورتالىقتارىنىڭ, ساۋدا ۇيلەرى مەن جەلىلەرىنىڭ (ونىڭ ىشىندە وندا ورنالاسقان ازىق-ت ۇلىك سۋپەرماركەتتەرى مەن ءدارىحانالاردى قوسپاعاندا) جۇمىسىنا, جەكسەنبى كۇندەرى اشىق بازارلاردىڭ (ازىق-ت ۇلىك, ازىق-ت ۇلىك ەمەس) جۇمىسىنا, سەنبى جانە جەكسەنبى كۇندەرى جابىق بازارلاردىڭ (ازىق-ت ۇلىك جانە ازىق-ت ۇلىك ەمەس), ساۋنالاردىڭ, باسسەيندەردىڭ, سپورت كەشەندەرىنىڭ, سپورتتىق-ساۋىقتىرۋ ورتالىقتارىنىڭ جانە فيتنەس-ورتالىقتاردىڭ جۇمىسىنا تىيىم سالىندى», دەدى باعلان قىدىرباەۆ.
سونداي-اق, ول مادەنيەت نىساندارى دا ءتۇرلى شارالارىن شەكتەيتىنىن ايتتى. ماسەلەن, تەاترلاردىڭ, كينوتەاترلاردىڭ, كونتسەرت زالدارىنىڭ قىزمەتىنە دە توقتاۋ سالىنادى. ويىن-ساۋىق ورىندارى دا جۇمىس بارىسىن توقتاتادى.
ياعني, كاراوكە, بانكەت زالدارى, بيليارد, كومپيۋتەرلىك كلۋبتار, تۇنگى جانە ويىن كلۋبتارى, بوۋلينگتەر جۇمىس ىستەمەيدى. بالالاردىڭ ويىن-ساۋىق ورتالىقتارى, ونىڭ ىشىندە ويىن الاڭدارى, جابىق ءۇي-جايلارداعى اتتراكتسيوندار, باتۋتتار دا ءوز قىزمەتىن توقتاتادى.
«سانيتارلىق تالاپتاردى ساقتاي وتىرىپ, ساعات تاڭعى 07.00-دەن كەشكى 23.00-گە دەيىن سۋپەرماركەتتەر مەن گيپەرماركەتتەردىڭ قىزمەت ەتۋىنە رۇقسات. قوعامدىق تاماقتاندىرۋ نىساندارىنىڭ قىزمەتى ساعات 09.00-دەن 20.00-گە دەيىن عانا. سونىمەن قاتار, ساعات 07.00-دەن باستاپ ساعات 05.00-گە دەيىن قوعامدىق تاماقتانۋ نىساندارى مەن فۋد كورتتاردىڭ قىزمەتىنە تەك جەتكىزۋگە جانە اكەتۋگە رۇقسات بەرىلەدى. ال, اۋدانى 2000 شارشى مەترگە دەيىنگى ازىق-ت ۇلىك ەمەس جەكە تۇرعان دۇكەندەردىڭ قىزمەتىنە شەكتەۋ جوق. كەڭسە, ۇيىم قىزمەتكەرلەرىن 80 پايىز قاشىقتىقتان جۇمىس ىستەۋگە كوشىرۋ, 20 پايىز كۇندىزگى رەجيمگە اۋىستىرۋ جۇرگىزىلمەك. حالىققا قىزمەت كورسەتۋ ورتالىقتارىنىڭ, بانكتەردىڭ, «قازپوچتا» اق بولىمشەلەرى ساعات 9.00-دەن 18.00-گە دەيىن قىزمەت كورسەتەدى», دەيدى ول.
ايتا كەتەيىك, جاڭاشا تۇرلەنگەن №2 قاۋلىنى 16 ءساۋىر كۇنى وبلىستىڭ باس مەملەكەتتىك سانيتاريالىق دارىگەرى قابىلدادى.
