«ادام بالاسىنىڭ وسىنداي مۇمكىندىكتەردى باعىندىرعانىنا تاڭدانامىن. قازىرگى مەديتسينانىڭ دامىعان زامانىندا, ءالى-اق ورنىڭىزدان تۇرىپ, بيلەپ كەتەسىز. وسىنداي پروتەزدەرمەن جۇرگەن ادامداردى كوردىم. سوندىقتان سىزگە بارىنشا قولۇشىمدى تيگىزۋگە دايىنمىن», دەدى تۇڭعىش پرەزيدەنت.
ەلباسى ءسوز بارىسىندا قولاستىنداعىلارعا تاپسىرما بەرىپ, وسى ءىستى اياعىنا دەيىن جەتكىزۋدى تاپسىردى. سونداي-اق ول 1995 جىلى ابايدىڭ 150 جىلدىق مەرەيتويىنا وراي بيىك شىڭعا كوتەرىلگەنىن ەسكە الدى.
«بىراق بۇل شىڭنىڭ بيىكتىگى 4 مىڭ مەتردەن اسادى. مەن ونىڭ نە ەكەنىن بىلەمىن. كوتەرىلۋ ەشتەڭە ەمەس, ءتۇسۋ ودان دا قيىن. سوندىقتان كوزدەرىڭىز جانىپ تۇر, باقىت ءالى الدا, جۇبايىڭىزعا, وتباسىڭىزعا راقمەت! بارلىق جاقسىلىقتى تىلەيمىن!», دەدى ەلباسى.
ەسكە سالا كەتەيىك, بيىلعى 19 ساۋىردە نۇر-سۇلتان قالاسىنىڭ ەكى اياعى جوق تۇرعىنى ماريا اۋەزوۆا ەۆەرەستتى باعىندىرعان العاشقى قىز بولدى.
