«30 جىل ىشىندە قازاقستان جىلناماسىندا كوپتەگەن جارقىن بەتتەر جازىلدى. ءبىز كۇن سايىن العا جىلجىپ, وزىمىزگە جاڭا ءورشىل ماقساتتار قويدىق. قحا-نىڭ ءاربىر سەسسياسىندا مەن وسىنداي باياندامالارمەن ءسوز سويلەيمىن. بارلىق جەتىستىكتەر بۇگىن تىزىمدە جوق. بۇگىندە بۇكىل الەم سىناقتان ءوتىپ جاتقان كەزدە ءبىز ەلدىڭ دامۋىن جالعاستىرىپ, ەكونوميكانى جاڭعىرتۋدامىز.ء بىز كاسىپورىندار اشىپ, جاڭا قالا سالىپ, كاسپي تەڭىزىندە قازاقستاندىق ريۆەرانى تۇرعىزامىز. 1000 ادامعا ارنالعان ءبىر قوناق ءۇي الەمدەگى كەز كەلگەن قوناق ۇيدەن جاقسى. انتاليادان جاقسى. وسىنداي تاعى ءۇش كەشەن قازاقستاندىق ريۆەرا بولماق. ءبىز مۇنىڭ ءبارىن پاندەميا جاعدايىندا جاسايمىز», دەدى نۇرسۇلتان نازارباەۆ.
ەسكە سالا كەتەيىك, قازاقستاننىڭ تۇڭعىش پرەزيدەنتى - ەلباسى, قحا توراعاسى ن.ءا.نازارباەۆتىڭ توراعالىعىمەن قازاقستان حالقى اسسامبلەياسىنىڭ XXIX سەسسياسى ءوتىپ جاتىر.
سەسسيا جۇمىسىنا ونلاين فورماتتا 600-دەن استام ادام قاتىسىپ جاتىر. ولاردىڭ قاتارىندا بارلىق وڭىرلەردەن كەلگەن اسسامبلەيا مۇشەلەرى, رەسپۋبليكالىق جانە وڭىرلىك ەتنومادەني بىرلەستىكتەردىڭ توراعالارى, پارلامەنت دەپۋتاتتارى, ورتالىق اتقارۋشى ورگانداردىڭ, ساياسي پارتيالاردىڭ, ءدىني بىرلەستىكتەردىڭ باسشىلارى, ۇەۇ, عىلىمي, شىعارماشىلىق زيالى قاۋىم جانە باق وكىلدەرى بار.
