ۇكىمەت • 26 ءساۋىر، 2021

وڭالتۋ قىزمەتتەرىنىڭ تاپشىلىعى 11 وڭىردە بايقالادى

23 رەت كورسەتىلدى

پرەمەر-مينيستر اسقار مامين «Nur Otan» پارتياسىنىڭ سايلاۋالدى باعدارلاماسىنىڭ جول كارتاسىن ىسكە اسىرۋ جونىندەگى شتاب وتىرىسىن وتكىزدى، دەپ حابارلايدى Egemen.kz پرەمەر-ءمينيستردىڭ ءباسپاسوز قىزمەتىنە سىلتەمە جاساپ.

زەينەتاقى مەن جاردەماقى تاعايىنداۋ پروتسەستەرىن تسيفرلاندىرۋ، مۇمكىندىگى شەكتەۋلى بالالارعا ارنالعان وڭالتۋ ورتالىقتارىنىڭ سانىن ارتتىرۋ، سونداي-اق كوپ بالالى جانە از قامتىلعان وتباسىلارعا، مۇمكىندىكتەرى شەكتەۋلى ازاماتتارعا، جەتىم بالالارعا ارناپ تۇرعىن ءۇي سالۋ ماسەلەلەرى قارالدى.

ەڭبەك جانە حالىقتى الەۋمەتتىك قورعاۋ ءمينيسترى سەرىك شاپكەنوۆ «Nur Otan» پارتياسىنىڭ سايلاۋالدى باعدارلاماسىن ىسكە اسىرۋ اياسىندا 2021 جىلدان باستاپ 2025 جىلعا دەيىنگى كەزەڭدە زەينەتاقى مەن جاردەماقى تاعايىنداۋعا قاتىستى مەملەكەتتىك قىزمەتتەر 100% تسيفرلاندىرىلاتىنىن ايتتى.

قازىرگى تاڭدا الەۋمەتتىك-ەڭبەك سالاسىندا 44 قىزمەت ءتۇرى قاراستىرىلعان، ونىڭ 40-ى 2020 جىلى ەلەكتروندىق فورماتقا اۋىستىرىلدى. 24 مەملەكەتتىك قىزمەت زەينەتاقى مەن جاردەماقى تاعايىنداۋمەن جانە تولەۋمەن بايلانىستى، ونىڭ ىشىندە 22 قىزمەت ەلەكتروندىق تۇردە، 12 (50%) قىزمەت الۋشىنىڭ ءوتىنىشىنسىز، پرواكتيۆتى تۇردە كورسەتىلەدى.

قازاقستاندا 12،3 مىڭ مۇمكىندىگى شەكتەۋلى بالا وڭالتۋدى قاجەت ەتەدى، ولاردىڭ 47%-ى قازىرگى ۋاقىتتا 38 وڭالتۋ ورتالىعىنىڭ قىزمەتتەرىمەن قامتىلعان. وڭالتۋ قىزمەتتەرىنىڭ تاپشىلىعى قر 11 وڭىرىندە بايقالادى.

«Nur Otan» پارتياسىنىڭ سايلاۋالدى باعدارلاماسىندا 2025 جىلعا دەيىن ەلىمىزدە مۇگەدەكتىگى بار بالالارعا ارنالعان قوسىمشا 15 وڭالتۋ ورتالىعىن اشۋ مىندەتى قويىلعان.

«Nur Otan» پارتياسىنىڭ سايلاۋالدى باعدارلاماسىنىڭ جول كارتاسىنىڭ وسى تارماعىن ورىنداۋ جونىندەگى جۇمىستار تۋرالى اقمولا وبلىسىنىڭ اكىمى ەرمەك مارجىقپاەۆ، قاراعاندى وبلىسىنىڭ اكىمى جەڭىس قاسىمبەك، اقتوبە وبلىسىنىڭ اكىمى وڭداسىن ورازالين باياندادى.

يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ، سونداي-اق «بايتەرەك» ۇبح» اق باسقارما توراعاسى ايدار ءارىپحانوۆ «Nur Otan» پارتياسىنىڭ سايلاۋالدى باعدارلاماسىن ىسكە اسىرۋ جونىندەگى جول كارتاسىنا سايكەس، 2025 جىلعا دەيىن 103 ملن شارشى مەتر تۇرعىن ءۇيدى (977 مىڭ تۇرعىن ءۇي) پايدالانۋعا بەرۋ جوسپارلانعانىن ايتتى.

بيىل تۇرعىن ءۇيدى پايدالانۋعا بەرۋ كورسەتكىشى 17 ملن شارشى مەترگە دەيىن ۇلعايدى. دەمەك، 163 مىڭنان استام وتباسى، ونىڭ ىشىندە حالىقتىڭ الەۋمەتتىك وسال توپتارى جاڭا باسپانا الۋى ءتيىس. وسى جىلدىڭ I توقسانىندا «نۇرلى جەر» مەملەكەتتىك باعدارلاماسى اياسىندا قازاقستاندا 2،87 ملن شارشى مەتر تۇرعىن ءۇي سالىندى، بۇل 2020 جىلدىڭ سايكەس كەزەڭىندەگىدەن 8،6%-عا ارتىق.

پرەمەر-مينيستر زەينەتاقى مەن جاردەماقى تاعايىنداۋ ءۇشىن بارلىق باستاپقى دەرەكتەردى تسيفرلاندىرۋدى جانە وزەكتەندىرۋدى، ءار وڭىردە بالالاردى وڭالتۋ ورتالىقتارىن اشۋدى جانە ولاردىڭ قىزمەتىن دامىتۋدى، تۇرعىن ءۇيدى پايدالانۋعا بەرۋ كولەمى جونىندەگى اي سايىنعى جوسپارلاردى بەكىتىپ، اكىمدىكتەرگە جەتكىزۋدى، سونداي-اق ولاردىڭ ىسكە اسىرىلۋىنا ناقتى مونيتورينگ جۇرگىزىپ وتىرۋدى تاپسىردى.

 

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار