ويتكەنى اتىس بولىپ جاتقانىن كوزدەرىمەن كورىپ, قۇلاقتارىمەن ەستىپ وتىرعان «بۇحار جىراۋ تاۋەرس» تۇرعىن ءۇي كەشەنىنىڭ تۇرعىندارى بۇل وقيعانىڭ بەينە جازباسىمەن تۇسىرگەن سۋرەتتەرىن جارىسا جاريالاپ جاتتى.
وسىلايشا, الماتىدا «بۇحار جىراۋ تاۋەرس» تۇرعىن ءۇي كەشەنىنىڭ كۇزەتشىسىنە وق اتقان ەر ادام ءوز پاتەرىندە جاسىرىنىپ قالعانى تۋرالى جەدەل اقپارات پايدا بولدى. كۋاگەرلەر ارا-تۇرا اتىلعان وقتىڭ دىبىسى ەستىلەتىنىن ايتىپ وتىردى. دەمالىس كۇنى ءتۇرلى شارۋالارىمەن سىرتقا, سەرۋەندەۋگە شىعىپ كەتكەن ادامدار جارتى كۇن دالادا جۇرۋگە ءماجبۇر بولسا, كوپ ۇزاماي پوليتسيا قىزمەتكەرلەرى قالعان تۇرعىنداردى دا قاۋىپسىز جەرگە كوشىردى.
پوليتسيا دەپارتامەنتىنىڭ مالىمەتىنشە, كۇزەتشى مەن بەلگىسىز ەر ادامنىڭ اراسىندا تۋىنداعان جانجال سالدارىنان كۇزەتشىنىڭ اياعى اڭشى مىلتىعىمەن اتىپ جارالانعان. ول قازىر اۋرۋحانادا جاتىر.
«ءيا, بۇل ادام مۇندا بۇرىننان تۇرادى. مىنەزى شاتاقتاۋ ادام. ديۆانعا كەلسەك, مۇنىڭ ءبارى قاۋەسەت (الەۋمەتتىك جەلىدە جانجال ديۆانعا قاتىستى تۋدى دەگەن بولجام دا بار). كىرەبەرىستەگى بۇل ديۆاندار ۇزاق ۋاقىتتان بەرى تۇر. ول وزىمە ەشقاشان دورەكىلىك كورسەتكەن ەمەس. قارۋىن ەشقاشان كورمەدىك, بىراق ول – كۇردەلى ادام. 17-قاباتتا تۇرادى», دەگەن بولاتىن كۇندىزگى ساعات 12-دە سەرۋەندەۋگە شىعىپ, ۇيىنە كىرە الماي قالعان ءبىر ايەل كورشىسى.
سونىمەن كۇننىڭ ەكىنشى جارتىسىندا الماتىنى ۇرەيدە ۇستاعان وقيعا قايعىلى اياقتالدى.
«بۇگىن تۇستەن كەيىن بۇزاقىلىق نيەتپەن كەلىسپەۋشىلىك كەزىندە «بۇحار جىراۋ تاۋەرس» تك كۇزەتشىسىن مىلتىقپەن اتىپ جاراقاتتاعان كۇدىكتىنى ۇستاۋ وپەراتسياسى اياقتالدى. كۇدىكتى وقيعادان سوڭ سول تۇرعىن ءۇي كەشەنىندە ورنالاسقان پاتەرگە تىعىلدى. ازاماتتاردىڭ قاۋىپسىزدىگى ءۇشىن پوليتسيا قىزمەتكەرلەرى تۇرعىنداردى ەۆاكۋاتسيالاپ, وقيعا ورنىن قورشادى. بۇرىن حابارلانعانداي, كۇدىكتىمەن بىرنەشە ساعات بويى كەلىسسوز جۇرگىزىلدى. كەلىسسوز پروتسەسىن پوليتسيا دەپارتامەنتىنىڭ, پروكۋراتۋرانىڭ قىزمەتكەرلەرى مەن ونىڭ تانىستارى جۇرگىزدى. الايدا ول كەلىسىمنەن باس تارتىپ, ەسىك جاققا وق اتۋدى جالعاستىردى. باسپالداق الاڭىنا قاراي 30-عا جۋىق وق اتتى.
وسىدان كەيىن پوليتسيا دەپارتامەنتىنىڭ ارنايى جاساعىنىڭ كۇشىمەن كۇدىكتىنى ۇستاۋ تۋرالى شەشىم قابىلداندى. جاۋاپكەرشىلىكتەن قورقىپ, كۇدىكتى ءوز-وزىنە قول جۇمسادى, قولىنداعى مىلتىعىمەن بىرگە پاتەردىڭ تەرەزەسىنەن سەكىرىپ كەتتى. وپەراتسيا بارىسىندا ارنايى كۇشتەردىڭ قىزمەتكەرلەرى اتىس قارۋىن قولدانعان جوق, ولىمگە اكەلمەيتىن قۇرالدار, ياعني شۋ مەن گاز گراناتالارى قولدانىلدى. تۇرعىن ءۇي كەشەنىنىڭ تۇرعىندارى اراسىندا زارداپ شەككەندەر جوق. تەرگەۋ بارىسىندا كۇدىكتى ازاماتقا وق-دارىلەرىبار قارۋدىڭ تيەسىلىگى انىقتالدى. قازىرگى ۋاقىتتا وقيعا ورنىندا پوليتسيا دەپارتامەنتىنىڭ جەدەل-تەرگەۋ توبى جۇمىس ىستەپ جاتىر», دەگەن رەسمي اقپارات تاراتتى پوليتسيا.
وقيعا ورنىنا كوپ ۇزاماي جەتىپ بارعان باق وكىلدەرىنە بريفينگ وتكىزگەن الماتى قالالىق پوليتسيا دەپارتامەنتى باستىعىنىڭ ورىنباسارى رۇستەم ءابدىراحمانوۆ: «تۇرعىن ءۇي كەشەنىنىڭ كۇدىكتى ءوز پاتەرىنە جاسىرىنعان قاناتىنداعى تۇرعىندار قاۋىپسىز جەرگە كوشىرىلدى جانە وقيعا ورنى وقشاۋلاندى. 30 مارتە وق اتىلعاننان كەيىن كۇدىكتىنى پوليتسيا دەپارتامەنتىنىڭ ارناۋلى بولىمشە قىزمەتكەرلەرىنىڭ كومەگىمەن ۇستاۋ تۋرالى شەشىم قابىلداندى. پوليتسيا قىزمەتكەرلەرى جۇرگىزگەن ارناۋلى وپەراتسيا بارىسىندا ءولىم-جىتىمگە اكەلەتىن قارۋ قولدانىلعان جوق. جاۋاپكەرشىلىكتەن قورىققان كۇدىكتى وق اتقان قارۋىمەن بىرگە پاتەر تەرەزەسىنەن سەكىرىپ مەرت بولدى. قازىرگى ۋاقىتتا پوليتسيا دەپارتامەنتىنىڭ جەدەل تەرگەۋ توبى جۇمىس ىستەپ جاتىر», دەدى.
رۇستەم ءابدىراحمانوۆتىڭ ايتۋىنشا, كەلىسسوز پروتسەسى 6 ساعاتتان استام ۋاقىتقا سوزىلعان. قازىرگى ۋاقىتتا ونىڭ مۇنداي قادامعا نە ءۇشىنبارعانى انىقتالىپ جاتىر. سونىمەن قاتار بۇلوقيعا سوتقا دەيىنگى تەرگەۋدىڭ بىرىڭعاي تىزىلىمىنە «بۇزاقىلىق» بابى بويىنشا تىركەلىپ وتىر.
ال قالالىق دەنساۋلىق ساقتاۋ باسقارماسىنىڭ وكىلدەرى: «وقيعا بارىسىندا تۇرعىن ءۇي كەشەنىنىڭ ءبىر كۇزەتشىسى جاراقات الدى. وعان مەديتسينالىق كومەك كورسەتىلدى. قىلمىس جاساعان كۇدىكتى 17-قاباتتان سەكىرىپ, مەرت بولدى. وقيعا ورنىندا جەدەل جاردەم قىزمەتىنىڭ 4 بريگاداسى كەزەكشىلىك ەتتى. زارداپ شەككەندەر قوعامدىق دەنساۋلىق ساقتاۋ باسقارماسىنىڭ مەديتسينالىق ۇيىمىنا جەتكىزىلدى» دەپ مالىمدەگەن بولاتىن.
باستاپقىدا قوعامدىق دەنساۋلىق ساقتاۋباسقارماسى ارنايى وپەراتسيا كەزىندە ءۇش ادامزارداپ شەككەنىن, ونىڭ ىشىندە ەكەۋى ارنايى جاساق قىزمەتكەرى ەكەنىن حابارلاعان بولاتىن.
«بارىنە مەديتسينالىق كومەك كورسەتىلدى. زارداپ شەككەندەر قدب مەديتسينالىق مەكەمەلەرىنە جەتكىزىلدى. ولاردىڭ جاعدايى تۋرالى قوسىمشا حابارلانادى», دەلىنگەن بولاتىن باسقارما حابارلاماسىندا. الايدا ىلە-شالا ۆەدومستۆو وكىلدەرى كۇزەت ءبولىمىنىڭ ءبىر عانا قىزمەتكەرى زارداپ شەككەنىن حابارلادى. سونىمەن قاتار پوليتسيا وكىلدەرى ارنايى جاساق قىزمەتكەرى زارداپ شەككەنى تۋرالى حاباردى جوققا شىعاردى.
پوليتسيا مالىمەتى بويىنشا, كۇزەتشىنى اتىپ, كەيىن 6 ساعاتتان اسا ۋاقىت بويى پاتەرىندە جاسىرىنىپ, 17-قاباتتان سەكىرىپ مەرت بولعان ادام رەسەي ازاماتى, جاسى 56-دا.
الايدا الماتىلىقتار تەرەزەسىنە پلاكاتتار ءىلىپ, تۇسىنىكسىز قادامدارعا بارعان كۇدىكتىنى تىرىدەي قولعا تۇسىرە الماعان پوليتسيا قىزمەتكەرلەرىنە نارازىلىق ءبىلدىرىپ وتىر. وسىدان بەس جىل بۇرىن, 2016 جىلى مەگاپوليستى ءدۇر سىلكىندىرگەن «الماتىلىق اتقىش» رۋسلان كۇلەكباەۆتان كەيىنگى قارۋلى ادام, وكىنىشكە قاراي, كوپ قۇپيانى وزىمەن بىرگە الا كەتتى.
