پرەزيدەنت • 21 ءساۋىر، 2021

پرەزيدەنت رەفورمالار جونىندەگى جوعارى كەڭەستىڭ كەزەكتى وتىرىسىن وتكىزدى

35 رەت كورسەتىلدى

پرەزيدەنت قاسىم-جومارت توقاەۆ رەفورمالار جونىندەگى جوعارعى كەڭەستىڭ كەزەكتى وتىرىسىن وتكىزدى، دەپ حابارلايدى اقوردانىڭ ءباسپاسوز قىزمەتى.

مەملەكەت باسشىسىنىڭ توراعالىعىمەن رەفورمالار جونىندەگى جوعارى كەڭەستىڭ بەسىنشى وتىرىسى ونلاين فورماتتا ءوتتى.

جيىننىڭ كۇن تارتىبىندە بەس ماسەلە قاراستىرىلدى. ۇلتتىق جوبالاردى ازىرلەۋ جۇمىستارى جايىندا ستراتەگيالىق جوسپارلاۋ جانە رەفورمالار اگەنتتىگىنىڭ توراعاسى قايرات كەلىمبەتوۆ بايانداما جاسادى. «تسيفرلىق قازاقستان» ۇلتتىق جوباسىنىڭ ترانسفورماتسياسى تۋرالى تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين ايتتى. اۋىلشارۋاشىلىعى ءمينيسترى ساپارحان وماروۆ اگروونەركاسىپ كەشەنىن 2026 جىلعا دەيىن دامىتۋدىڭ ۇلتتىق جوسپارى دايىندالىپ جاتقانىن ءمالىم ەتتى. ۇلتتىق ەكونوميكا ءمينيسترى اسەت ەرعاليەۆ «جاڭادان» رەتتەۋ تەتىكتەرىنىڭ ەنگىزىلىپ جاتقانى جونىندە حابارلادى. جوعارى سوت توراعاسى جاقىپ اسانوۆ پەن پرەزيدەنت اكىمشىلىگىنىڭ باسشىسى ەرلان قوشانوۆ قۇقىق قورعاۋ جانە سوت جۇيەسىن رەفورمالاۋ جايىنداعى ۇسىنىستارىن باياندادى.

جيىنعا قاتىسۋشىلاردىڭ باياندامالارىن تىڭداعان پرەزيدەنت رەفورمالاردىڭ ستراتەگياسىن دايىنداۋ پەرسپەكتيۆالارىنا كەڭىرەك توقتالدى. مەملەكەت باسشىسى ءار بايانداما بويىنشا ەسكەرتۋ ايتىپ، ناقتى تاپسىرما بەردى.

قاسىم-جومارت توقاەۆ ۇلتتىق جوبالار كۇردەلى جانە ءبىرىن-ءبىرى قايتالاماۋى قاجەت ەكەنىنە باسا نازار اۋداردى. ولار نەگىزگى مىندەتتەردى شەشۋگە باعىتتالىپ، كۇش-جىگەر مەن رەسۋرستار «وسىندا جانە قازىر» قاعيداتى بويىنشا جۇمىلدىرىلۋى ءتيىس.

– جوبالاردى ىرىكتەۋدىڭ ناقتى ادىستەمەلىك بازاسى بولۋى كەرەك. ول قاندايدا ءبىر ۇلتتىق جوبانىڭ كەشەندى الەۋمەتتىك-ەكونوميكالىق تيىمدىلىگىن ەسكەرۋى قاجەت، قۇجات تۇسىنىكتى بولۋى ءتيىس. سۋبەكتيۆتىلىككە جول بەرىلمەيدى، – دەدى مەملەكەت باسشىسى.

پرەزيدەنت ۇلتتىق جوبالار بارلىق قاجەتتى رەسۋرستارمەن قامتاماسىز ەتىلىپ، بيۋدجەتتەن قارجىلاندىرۋ كەزىندە ءسوزسىز باسىمدىققا يە بولۋى ءتيىس ەكەنىن اتاپ ءوتتى.

مەملەكەت باسشىسى ءوزىنىڭ رەفورمالار جونىندەگى جوعارى كەڭەستەگى ورىنباسارى سەر سۋما چاكرابارتيگە جانە ونىڭ كومانداسىنا ۇلتتىق جوبالاردى ساراپتاۋ بويىنشا اتقارعان جۇمىستارى ءۇشىن العىس ءبىلدىردى. قاسىم-جومارت توقاەۆتىڭ ايتۋىنشا، ۇسىنىستار ەكونوميكا، الەۋمەتتىك سالا جانە مەملەكەتتىك باسقارۋ بويىنشا رەفورمالاردى جۇزەگە اسىرۋ بارىسىندا نەگىزگى بازا رەتىندە قولدانىلۋى مۇمكىن.

«تسيفرلىق قازاقستان» ۇلتتىق جوباسى بويىنشا باعدات ءمۋسيننىڭ جاڭالىقتار ەنگىزۋ تۋرالى بايانداماسى وڭ باعالاندى. پرەزيدەنت تسيفرلىق سالانى دامىتۋ تۇجىرىمداماسىنداعى ۇسىنىستاردى جانە «DigitEL» ۇلتتىق جوباسىن ماقۇلدادى.

پرەزيدەنت اگروونەركاسىپ كەشەنىن دامىتۋدىڭ 2026 جىلعا دەيىنگى ۇلتتىق جوباسى تۋرالى دا پىكىرىن ايتتى. قاسىم-جومارت توقاەۆ بۇل قۇجاتتىڭ اۋقىمدىلىعىن اتاپ ءوتىپ، وعان سالانىڭ بۇكىل باعىتتارى ەنگىزىلگەنىن جانە وندا بارلىق ىقتيمال شارالار قامتىلعانىن جەتكىزدى. ونىڭ ايتۋىنشا، بايانداماداعى بىرقاتار باعىتتار اگروونەركاسىپ كەشەنىن دامىتۋ تۇجىرىمداماسىنا كىرۋى ءتيىس ەدى. مەملەكەت باسشىسى ۇلتتىق جوبا ءتۇيىندى ماسەلەلەردى شەشۋگە باعىتتالىپ، قولدانىستا قولايلى بولۋى قاجەتتىگىنە توقتالدى. جالپى العاندا، پرەزيدەنت اگروونەركاسىپ كەشەنىن دامىتۋدىڭ بازالىق تاسىلدەرىن قولدادى. تالقىلاۋ قورىتىندىسى بويىنشا ۇكىمەتكە جوبانى پىسىقتاۋ تاپسىرىلدى.

مەملەكەت باسشىسى «جاڭادان» رەتتەۋ تەتىكتەرى تۋرالى بايانداماعا قاتىستى پىكىر ءبىلدىرىپ، ەلگە قۋاتتى، باسەكەگە قابىلەتتى جەكە بيزنەس كەرەك ەكەنىن اتاپ ءوتتى. ول ۇلتتىق ەكونوميكانىڭ جانە حالىقتىڭ ءال-اۋقاتىن ارتتىرۋدىڭ نەگىزى بولۋعا ءتيىس.

– زاڭ جوباسىنا ەنگىزىلەتىن نورمالار ناقتى جۇمىس ىستەۋى كەرەك. رەفورمالاردىڭ ءمانى مەن ماڭىزىن قاشىراتىن مۇددەلەر قايشىلىعىنا جول بەرمەۋ قاجەت، – دەدى قاسىم-جومارت توقاەۆ.

پرەزيدەنت قۇقىقتىق رەفورمالار تۋرالى ايتا كەلىپ، ءادىل سوت تورەلىگىن قامتاماسىز ەتۋ ماقساتىندا سوت جۇيەسىن بىرتىندەپ جانە جۇيەلى جاڭعىرتۋدىڭ ماڭىزدىلىعىن اتاپ ءوتتى.

– بۇل قۇقىقتىق مەملەكەتتىڭ اسا ماڭىزدى كورسەتكىشى، ينۆەستيتسيالىق تارتىمدىلىقتىڭ، جەكە مەنشىك قۇقىعىن قورعاۋدى قامتاماسىز ەتۋدىڭ نەگىزى. سوت جۇيەسىن رەفورمالاۋدىڭ جاڭا تاسىلدەرى سۋديالاردىڭ تاۋەلسىزدىگىن ودان ءارى نىعايتۋعا ءتيىس. رەفورمالار قوعامنىڭ سوتتارعا سەنىمىن كۇشەيتۋى، سوتقا جاڭا كاسىبي مامانداردى تارتۋعا ىنتالاندىرۋى، سوت پروتسەستەرىنىڭ تيىمدىلىگى مەن قولايلىلىعىن ارتتىرۋى قاجەت، – دەدى پرەزيدەنت.

مەملەكەت باسشىسى ازىرلەنگەن تەتىكتەر سوت سالاسىنا قۇقىقتىڭ جەكەلەگەن باعىتتارى بويىنشا مىقتى زاڭگەرلەر مەن مامانداردى تارتۋعا مۇمكىندىك بەرەتىنىن ايتتى.

قاسىم-جومارت توقاەۆ بۇل ماسەلە پارلامەنتتە ازاماتتىق قوعام وكىلدەرى مەن زاڭگەرلەردىڭ قاتىسۋىمەن اشىق ءارى جان-جاقتى تالقىلانۋى كەرەك دەپ سانايدى. ول ءتيىستى زاڭ جوباسىن بيىل قابىلداۋدى تاپسىردى.

– بۇل رەفورما وتە ماڭىزدى. ول قازاقستاننىڭ زاماناۋي جانە ءتيىمدى مەملەكەتكە ترانسفورماتسيالانۋىنا باعىتتالعان جۇمىستاردىڭ باسىن بىرىكتىرەدى، – دەدى پرەزيدەنت.

قاسىم-جومارت توقاەۆ قىلمىستىق پروتسەستى رەفورمالاۋ تۋرالى ايتىپ، ازاماتتاردىڭ كونستيتۋتسيالىق قۇقىقتارىن قورعاۋدى قامتاماسىز ەتۋ جونىندەگى جۇمىستىڭ باسىمدىعىن اتاپ ءوتتى.

– ول ءۇشىن پروكۋرورلار مەن ادۆوكاتتاردىڭ سوتتا ءسوز جارىس جۇرگىزۋىنە شىنايى جاعداي جاسالۋى، سوت شەشىمدەرىنە شاعىمدانۋ مۇمكىندىكتەرىنىڭ كەڭەيتىلۋى، بىرىڭعاي سوت پراكتيكاسى قامتاماسىز ەتىلۋى ءتيىس. سوتتىڭ قورىتىندى ۇكىمى پروتسەسكە قاتىسۋشىلارعا دا، جالپى قوعامعا دا تۇسىنىكتى بولۋى كەرەك، – دەدى مەملەكەت باسشىسى.

قاسىم-جومارت توقاەۆ ساياسي، سوت، ەكونوميكالىق جانە الەۋمەتتىك سالالارداعى بارلىق وزگەرىستەردى شەتەلدىك ارىپتەستەرىمىزگە ساۋاتتى جەتكىزۋ كەرەكتىگىن ايتتى. اتالعان جۇمىستى حالىقارالىق ىنتىماقتاستىق جونىندەگى ارنايى وكىل ەرجان قازىحانعا ۇيلەستىرۋدى جۇكتەدى.

سونىمەن قاتار مەملەكەت باسشىسى ينۆەستيتسيالىق داۋلاردى شەشۋ ماسەلەسىن قوزعادى. وسى رەتتە ۇكىمەتكە بيىلعى جىلدىڭ 1 تامىزىنا دەيىن سەر سۋما چاكرابارتيدىڭ بايانداماسىندا ايتىلعان ماسەلەلەردى جان-جاقتى قاراستىرۋدى تاپسىردى. بۇل جۇمىستى ۇيلەستىرۋ پرەزيدەنت اكىمشىلىگىنە جۇكتەلدى.

جيىن سوڭىندا قاسىم-جومارت توقاەۆ الدىمىزدا قازاقستاندى ترانسفورماتسيالاۋ جانە جاڭعىرتۋ بويىنشا اۋقىمدى جۇمىستار تۇرعانىن ايتتى.

– بىزگە ساپالى سەرپىن كەرەك. ول ءۇشىن ءبارىڭىزدى جۇيەلى جانە ءتيىمدى جۇمىس ىستەۋگە شاقىرامىن، – دەدى مەملەكەت باسشىسى.

سوڭعى جاڭالىقتار

بالۋان شولاقتىڭ دومبىراسى

ونەر • بۇگىن، 09:00

جازعا سالەم جولدايىق

ونەر • بۇگىن، 08:55

جىلقىشى اۋىلدىڭ جاقسىلىعى

ايماقتار • بۇگىن، 08:54

قانمەن جازىلعان كارتينالار

تاريح • بۇگىن، 08:45

ستۋدەنتتەردىڭ ءسوز سايىسى

ونەر • بۇگىن، 08:41

وڭتايلى ونلاين اۋكتسيون

تەحنولوگيا • بۇگىن، 08:35

قولدى بولىپ جاتقان قاراۋسىز مال

ايماقتار • بۇگىن، 08:30

براكونەرگە بۇعاۋ بولماي ما؟

ايماقتار • بۇگىن، 08:28

2021 جىل – قالپىنا كەلۋ كەزەڭى

كوروناۆيرۋس • بۇگىن، 08:25

كيىك كۇيىك پە؟

ەكولوگيا • بۇگىن، 08:18

قاۋىپتىڭ بەتىن ۆاكتسينا قايتارادى

مەديتسينا • بۇگىن، 08:15

«وسىعان دەيىن نەگە بىرىكپەدى؟»

مەديتسينا • بۇگىن، 08:13

قورقىنىشتى سەيىلتۋ قۇرالى

مەديتسينا • بۇگىن، 08:11

ءۇي سالعانعا – ۇلكەن كومەك

قوعام • بۇگىن، 08:05

بارتيمەن شەبەرلىك بايقاستى

تەننيس • بۇگىن، 08:05

«جىگىتتەر بار نارقاسقا...»

سپورت • بۇگىن، 07:59

ەكونوميكا دامۋ جولاعىنا شىقتى

ەكونوميكا • بۇگىن، 07:58

تۇركىستاننىڭ جاڭا ءداۋىرى

قوعام • بۇگىن، 07:55

ۇقساس جاڭالىقتار