21 ءساۋىر، 2021

اسكەري ۇشاقتىڭ اپاتقا ۇشىراۋ سەبەبى ايتىلدى

49 رەت كورسەتىلدى

قورعانىس مينيسترلىگى قاراعاندى وبلىسىندا اپاتقا ۇشىراعان سۋ-30سم ۇشاعىنىڭ قۇلاۋ ىقتيمال سەبەبىن ايتتى، دەپ حابارلايدى egemen.kz

«قاراعاندى وبلىسىندا سۋ-30سم ۇشاعىنىڭ اپاتقا ۇشىراۋ سەبەپتەرىن تەكسەرۋ جونىندەگى ارنايى كوميسسيا بارلىق ىقتيمال نۇسقانى قاراستىرىپ جاتىر. سولاردىڭ ءبىرى-اسكەري بورتتىڭ قۇستارعا سوقتىعىسۋى. قۇس سوعىلعان كەزدە قوزعالتقىش اجىراتىلادى، ال ەگەر بىرنەشە قۇس سوعىلعان بولسا ەكى بىردەي قوزعالتقىش ىستەن شىعارىلادى. اۆياتسيادا بۇل ەڭ قاۋىپتى جاعداي بولىپ سانالادى. ويتكەنى ۇشاقتار قوزعالتقىشتاردىڭ كەم دەگەندە بىرەۋى جۇمىس ىستەسە، ۇشۋىن جالعاستىرادى جانە قاۋىپسىز قونادى»، دەدى مينيسترلىك وكىلدەرى.

قازىرگى تاڭدا اۋەجايلار مەن اسكەري اەرودرومدار قۇستاردى قورقىتاتىن قۇرىلىعلارمەن جابدىقتالعان. بۇل ءۇشىن اكۋستيكالىق زەڭبىرەكتەر،پيروتەحنيكا جانە باسقا دا ادىستەر قولدانىلادى. دۇنيەجۇزىندە قۇستارعا قاتىستى اۆياتسيا ماسەلەلەرى ءالى تولىقتاي شەشىلە قويعان جوق. سوندىقتان قاقتىعىستار ءجيى ورىن الىپ تۇرادى. ستاتيستيكالىق مالىمەتتەرگە سۇيەنسەك، الەمدە جىلىنا 5 مىڭنان اسا اۋە كەمەلەرىنىڭ قۇستارمەن سوقتىعىسۋ جاعدايى تىركەلەدى ەكەن.

«ۇشقىشتار ۇشاقتى باسقارۋ كەزىندە ومىرىنە قاۋىپ تونگەنشە قولدان كەلگەننىڭ ءبارىن جاسادى. ۇشاق باسقارىلماي كابينا تۇتىنگە تولىپ، تۇرعىنداردىڭ ومىرىنە قاۋىپ تونبەيتىنىنە، سونىمەن قاتار جەردەگى نىساندار قيرامايتىنىنا كوز جەتكىزگەندە، ۇشقىشتار كاتاپۋلت شەشىم قابىلدادى.

ۇشقىشتار ۇشاقتى سوڭىنا دەيىن ساقتاپ قالۋعا جانە ونى اسكەري ءبولىمنىڭ ارنايى قۇتقارۋ بولىمشەلەرى ورنالاسقان اۋەايلاققا قوندىرۋعا تىرىستى»، دەدى مينيسترلىكتەگىلەر.

ەسكە سالا كەتەيىك، 16 ساۋىردە قاراعاندى وبلىسىنىڭ بالقاش قالاسىنداعى وقۋ اۆياتسيالىق ورتالىعىندا سۋ-30سم كوپفۋنكتسيونالدى جويعىش ۇشاعى اپاتقا ۇشىراعانى حابارلانعان بولاتىنبىز.

گاۋحار قاپاش

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار