ايماقتار • 21 ءساۋىر، 2021

قورداي اۋدانىنىڭ ماسانشى اۋىلىندا تەحنيكا 60-70 پايىزعا جاڭارعان

27 رەت كورسەتىلدى

قورداي اۋدانىندا ۇيىمداستىرىلعان ءباسپاسوز تۋرى اياسىندا بۇقارالىق اقپارات قۇرالدارىنىڭ وكىلدەرى ماسانشى اۋىلىندا بولىپ، كوكتەمگى ەگىس دالا جۇمىستارىمەن تانىستى، دەپ حابارلايدى Egemen.kz

نەگىزىنەن ماسانشى اۋىلىن دۇنگەن ۇلتىنىڭ وكىلدەرى مەكەندەيدى. ءارى اۋىل شاوۋاشىلىقپەن اينالىسۋعا دا قولايلى. اۋداندىق اۋىلشارۋاشىلىعى ءبولىمىنىڭ باسشىسى ادىلەت قاسپاقباەۆتىڭ ايتۋىنشا، بۇگىندە جەرگىلىكتى شارۋالار كوكتەمگى ەگىس دالا جۇمىستارىن باستاپ كەتكەن. سونىمەن قاتار، ەگىستىك القاپتارعا مينەرالدى تىڭايتقىشتار ءبولىنىپ، اۋىلداعى اۋىلشارۋاشىلىق تەحنيكالارى 60-70 پايىزعا جاڭارعان.

«مەملەكەت قولداۋىنىڭ ناتيجەسىندە، وتكەن جىلى ليزينگكە 158 تەحنيكا ساتىپ الىندى. ال، اعىمداعى جىلدىڭ ءبىرىنشى توقسانىندا 51 تەحنيكا الىندى. سونداي-اق، مەملەكەت تاراپىنان ەگىس دالاسىنا ارزانداتىلعان ديزەل وتىنى ءبولىنىپ وتىر»، دەيدى ول.

بۇگىندە ماسانشى اۋىلىندا 40-تان استام شارۋا شارۋاشىلىقپەن اينالىسادى ەكەن. ءناسىبىن قارا جەردەن تەرگەن جەرگىلىكتى حالىق جىل سايىن ەگىس كولەمىن ارتتىرىپ، ءونىم كولەمىن ۇلعايتۋدى جوسپارلاپ كەلەدى. ولار ءسابىز، پياز سياقتى كوكونىس تۇرلەرىن ەگەدى. جالپى، اتالعان اۋىلدا اۋىلشارۋاشىلىعى سالاسى ايتارلىقتاي دامىعان دەۋگە بولادى. ماسەلەن، اۋدان بويىنشا بيىل 134 مىڭنان استام ەگىستىك جەرگە ەگىن ەگۋ جوسپارلانعان. بۇل وتكەن جىلمەن سالىستىرعاندا 14 مىڭ 98 گەكتارعا ارتىق. الداعى ۋاقىتتاردا بۇل جۇمىس تاعى جالعاسادى. ال، اۋىل تۇرعىنى، «ششەنحو» شارۋا قوجالىعىنىڭ توراعاسى ۋدجۋر كەريم بۇگىندە 200-دەن استام وتباسىن جۇمىسپەن قامتىپ وتىر. قوجالىققا تيەسىلى 15 تەحنيكامەن شارۋالار كۇن سايىن ەگىس دالاسىندا جۇمىس ىستەۋدە. سونىمەن قاتار، اۋىل تۇرعىنى ششەبا حيممانوۆ اۋىل ىشىنەن 20 سوتىق جەرگە قىزاناق، قيار، سارىمساق سياقتى كوكونىستەر ەگىپ كەلەدى. شارۋا بيىلعى جىلدىڭ وزىندە ءۇش رەت ءونىم العانىن ايتادى. جالپى العاندا، ماسانشى اۋىلىنداعى اۋىلشارۋاشىلىق سالاسى ويداعىداي دامىپ كەلەدى.

 

جامبىل وبلىسى،
قورداي اۋدانى.

سوڭعى جاڭالىقتار

قيلى-قيلى تاعدىرلار

تاريح • كەشە

ءبىر شاڭىراقتان – ءۇش مايدانگەر

رۋحانيات • 08 مامىر، 2021

قازاق دەگەنىمىز – باۋىرجان...

رۋحانيات • 08 مامىر، 2021

505-ءشى تۇرمەنىڭ تۇتقىندارى

تاريح • 08 مامىر، 2021

اسكەري ينجەنەرلەر ۇستاحاناسى

وقيعا • 07 مامىر، 2021

ۇقساس جاڭالىقتار