رۋحانيات • 20 ءساۋىر، 2021

«حان مولاسى» قازبا ورنىندا زەرتتەۋ جۇمىستارى ءجۇرىپ جاتىر

97 رەت كورسەتىلدى

مۋزەي-قورىق ارحەولوگتارى «حان مولاسى» قازباسىنداعى ەرەكشە قابىرحانانى توپىراقتان اشۋ بويىنشا زەرتتەۋ جۇمىستارىنا كىرىستى، دەپ حابارلايدى Egemen.kz مادەنيەت جانە سپورت مينيسترلىگىنىڭ ءباسپاسوز قىزمەتىنە سىلتەمە جاساپ.

بىلتىر مۋزەي-قورىق ارحەولوگتارى 1861 جىلى اسكەري توپوگراف ا.ە. الەكسەەۆتىڭ سىزعان سارايشىق قالاسىنىڭ سىزبا-كارتاسىندا بەلگىلەنگەن «حان مولاسى» ورنىنا ارحەولوگيالىق قازبا جۇمىسىن جۇرگىزگەن بولاتىن.

بۇل جەردە «حان مولاسى» بولعانى جونىندە حالىق اۋزىندا ايتىلاتىن ەتنوگرافيالىق ماتەريالدار دا راستايتىن. بىراق قازبا ورنىندا انىقتالعان ەرەكشە قابىرحانانى تۇگەلدەي اشۋ ءۇشىن قازبانى كەڭەيتۋگە وسى ماڭدا جەرلەنگەن ەسكى بەيىتتەر كەدەرگى كەلتىرگەن ەدى.

بيىل اتىراۋ وبلىسى əكىمدىگى مەن ماحامبەت اۋدانى əكىمدىگى قولداۋىمەن جانە دەمەۋشىلەردىڭ كومەگىمەن «حان مولاسى» قازباسى ماڭىندا جەرلەنگەن 20 بەيىتتى كوشىرۋ جۇمىستارى جۇرگىزىلدى. ول جۇمىستار 30 ناۋرىز بەن 4 ءساۋىر ارالىعىندا ءوتتى.

وسىدان 150-70 جىل بۇرىن جەرلەنگەن ادام سۇيەكتەرى جاڭا زيراتقا قايتا جەرلەندى. مۋزەي-قورىق ماماندارى بۇل جەرلەنگەن ادامداردىڭ اعايىن-تۋىستارىمەن ءتۇسىندىرۋ جۇمىستارىن جۇرگىزىپ، ولارمەن كەلىسىمگە قول جەتكىزگەن بولاتىن. قازىرگى كەزدە مۋزەي-قورىق ارحەولوگتارى «حان مولاسى» قازباسىنداعى ەرەكشە قابىرحانانى توپىراقتان اشۋ بويىنشا زەرتتەۋ جۇمىستارىنا كىرىستى.

سوڭعى جاڭالىقتار

قيلى-قيلى تاعدىرلار

تاريح • كەشە

ءبىر شاڭىراقتان – ءۇش مايدانگەر

رۋحانيات • 08 مامىر، 2021

قازاق دەگەنىمىز – باۋىرجان...

رۋحانيات • 08 مامىر، 2021

505-ءشى تۇرمەنىڭ تۇتقىندارى

تاريح • 08 مامىر، 2021

اسكەري ينجەنەرلەر ۇستاحاناسى

وقيعا • 07 مامىر، 2021

ۇقساس جاڭالىقتار