ماريانىڭ Instagram-داعى جازباسىنا زەر سالساق, ول الەمدەگى 5 364 مەتر بيىكتىككە دەيىن كوتەرىلگەن العاشقى قىز ەكەن. ەۆەرەستتى باعىندىرۋ ءۇشىن 1,5 جىل دايىندىق قاجەت بولىپتى.
«بارلىعى بىزگە بۇل مۇمكىن ەمەس دەگەن ەدى. بىراق ءبىزدىڭ قولىمىزدان كەلدى. بۇل ماعان قانداي شىعىن اكەلەتىنىن بىلەمىن, بىراق مەن ءوزىمنىڭ مىقتى ەكەنىمدى دالەلدەگىم كەلدى. اۋرىسىنۋ, تەر, كوز جاسى جانە قاتتى سۋىق مۇنىڭ ءبارى ماعان ءجايدان-ءجاي اسەر ەتە قويعان جوق. ءوزىڭدى جەڭ, ءوزىڭنىڭ قورقىنىشىڭ مەن سەنىمسىزدىگىڭمەن كۇرەس», دەپ جازدى ماريا Instagram پاراقشاسىندا.
ماريا اۋەزوۆا وسىدان التى جىل بۇرىن قوس اياعىنان بىردەي ايىرىلعان. بىرنەشە جىل بۇرىن ماريا بۋرابايداعى ءۇش شىڭدى باعىندىرعان. ونىڭ ءۇشىنشىسى – وسى ايماقتاعى ەڭ بيىك شىڭ – كوكشەتاۋ تاۋى (سينيۋحا). ماريا ارمانىن جۇزەگە اسىرۋ ءۇشىن كوپ جۇمىس ىستەگەنىن جانە اپتاسىنا بىرنەشە رەت جاتتىعۋ جاساۋعا تۋرا كەلەتىندىگىن ايتادى.
ماريا بولاشاقتا پروتەزدەردىڭ ۇستىندە تۇرىپ, ءجۇرىپ وتكەن جولىن قايتادان جەڭۋى ءۇشىن ەۆەرەستتى قايتا باعىندىرماق نيەتتە.
گاۋحار قاپاش
