قوعام • 19 ءساۋىر، 2021

Nur Otan-نىڭ جۇمىسىن 1738 قوعامدىق كەڭەس قاداعالايدى

35 رەت كورسەتىلدى

ەلىمىز بويىنشا «Nur Otan» فيليالدارىنىڭ باسشىلارى – اكىمدەردىڭ قاتىسۋىمەن پارتيانىڭ وڭىرلىك ساياسي كەڭەستەرى بيۋروسىنىڭ وتىرىستارى ءوتتى. وندا ءاربىر وڭىردە، قالا مەن اۋداندا سايلاۋالدى ۋادەلەردىڭ ىسكە اسىرىلۋىن باقىلاۋ جونىندەگى جاڭا قوعامدىق كەڭەستەردىڭ باسشىلارى مەن قۇرامدارى بەكىتىلدى، دەپ حابارلايدى Egemen.kz.

ورتالىق اپپاراتتىڭ ءباسپاسوز قىزمەتى حابارلاعانداي، بۇعان دەيىن ەلباسى، پارتيا ليدەرى نۇرسۇلتان نازارباەۆتىڭ تاپسىرماسى بويىنشا بارلىق وڭىرلەردە «Nur Otan» پارتياسىنىڭ 217 سايلاۋالدى باعدارلاماسىن ىسكە اسىرۋ بويىنشا جول كارتالارى قابىلدانىپ، جاۋاپتى دەپۋتاتتار مەن ورىنداۋشىلار بەكىتىلگەن. جىلدار مەن ناقتى ءىس-شارالاردى كورسەتىلگەن 80 مىڭنان استام ينديكاتورعا قول جەتكىزۋ كوزدەلىپ وتىر.

پارتيا ليدەرى قويعان مىندەتتەردى ەسكەرە وتىرىپ، سايلاۋالدى باعدارلامالاردىڭ ناقتى باعىتتارىن جۇيەلى باقىلاۋ ءۇشىن وڭىرلىك جانە اۋماقتىق دەڭگەيدە 1 738 قوعامدىق كەڭەس قۇرىلدى.

كەڭەستەرۋدىڭ قۇرامىنا 11 388 بەلسەندى، ونىڭ ىشىندە ءماسليحات دەپۋتاتتارى، پارتيالىق كادرلىق رەزەرۆ وكىلدەرى، وڭىردە بەدەلدى جانە جەرگىلىكتى جەرلەردەگى ءتۇيىندى ماسەلەلەردى جاقسى بىلەتىن ازاماتتار، ساراپشىلار جانە ت. ب. كىردى.

پارتيا جاڭا كەڭەستەردىڭ جۇمىسى قوعامدىق پىكىردى ەسكەرە وتىرىپ، پارتيانىڭ ەلىمىز بويىنشا بارلىق  قوعامدىق قابىلداۋ بولمەلەرىنە ازاماتتاردان كەلگەن وتىنىشتەردى تالداۋ نەگىزىندە جاريا فورماتتا قۇرىلاتىنىنا ۋادە بەرەدى.

ەسكە سالا كەتەيىك، بۇعان دەيىن ساياسي كەڭەس بيۋروسىنىڭ شەشىمىمەن تاراتىلعان پارتيالىق كۋراتورلار ينستيتۋتىنىڭ ورنىنا «Nur Otan»    سايلاۋالدى باعدارلاماسىنىڭ ناقتى باعىتتارىنىڭ ىسكە اسىرىلۋىن باقىلاۋ بويىنشا 14 رەسپۋبليكالىق قوعامدىق كەڭەس قۇرىلعان بولاتىن.

وتكەن اپتادا ءماجىلىستىڭ جانە بارلىق دەڭگەيدەگى ءماسليحاتتاردىڭ 600 جاس دەپۋتاتىنان تۇراتىن كورپۋستىڭ قۇرىلعانى تۋرالى ايتىلعان-دى. نۇروتاندىق جاس دەپۋتاتتار جاستاردى قولداۋعا جانە زاڭ شىعارۋ پروتسەسىندە ولاردىڭ مۇددەلەرىن قورعاۋعا كۇش-جىگەرلەرىن بىرىكتىرۋگە نيەتتى.

سوڭعى جاڭالىقتار

ىندەت قايتا ءورشىدى

الەم • بۇگىن، 20:44

ليسيچانسك كىمنىڭ قولىندا؟

الەم • بۇگىن، 20:41

وڭىردە دامۋ ءۇردىسى بار

ايماقتار • بۇگىن، 20:27

تاڭدايدىڭ تارلانى

تاريح • بۇگىن، 20:24

جوعالعان سولدات

تاريح • بۇگىن، 20:22

ساناداعى سىلكىنىس نەمەسە كۇرەسكەردىڭ قالىپتاسۋى

احمەت بايتۇرسىن ۇلى • بۇگىن، 20:18

دومبىرانى دارىپتەدى

رۋحانيات • بۇگىن، 20:00

الماتىدا 36 گرادۋس ىستىق بولادى

اۋا رايى • بۇگىن، 16:40

بۇگىن - ۇلتتىق دومبىرا كۇنى

قازاقستان • بۇگىن، 08:50

ۇقساس جاڭالىقتار