ءۇش ايدىڭ قورىتىندىسى بويىنشا قوستاناي اۆتوموبيل زاۋىتى 13 063 بىرلىك تەحنيكا شىعاردى. بۇل وتكەن جىلدىڭ سايكەس كەزەڭىمەن سالىستىرعاندا 34,7% -عا ارتىق (9 694 بىرلىك).
ءوسىم وڭىردە شىعارىلاتىن Chevrolet اۆتوموبيلدەرىنە دەگەن بەلسەندى سۇرانىستىڭ ناتيجەسىندە بولىپ وتىر. بۇل كولىكتەر بۇگىنگى تاڭدا قازاقستاندىق نارىقتاعى ەڭ كوپ سۇرانىسقا يە اۆتوموبيلدەر ءتىزىمىن باستاپ تۇر. ءبىرىنشى توقساندا وسى برەندتىڭ 10 153 بىرلىگى ءوندىرىلدى.
ء«بىز ۇنەمى اۆتوموبيل ءوندىرىسىنىڭ دەڭگەيىن كوتەرۋگە عانا ەمەس, سونىمەن بىرگە جەرگىلىكتىلەندىرۋ دەڭگەيىنىڭ جوعارىلاعان زاماناۋي ونىمدەرىن شىعارۋعا دا ۇمتىلامىز. وسى باعىتتارداعى دامۋ بۇگىندە قازاقستان نارىعى تۋرالى عانا ەمەس, ەكسپورت تۋرالى دا ايتۋعا مۇمكىندىك بەرەدى. سونىمەن, جىل باسىنان بەرى 2 مىڭعا جۋىق ءونىم شەتەلگە جىبەرىلدى», دەدى «سارىارقااۆتوپروم» جشس ديرەكتورى سىرىم سەمەيباەۆ.
2020 جىلى زاۋىت ونىمدىلىكتىڭ رەكوردتىق دەڭگەيىنە قول جەتكىزدى – 40 050 بىرلىك (ەلدىڭ بارلىق تەحنيكاسىنىڭ 51,7%-ى). بيىل كاسىپورىن قولدانىستاعى Jac, Chevrolet, UAZ جانە MAN برەندتەرىنىڭ جوعارى سۇرانىسىنا عانا ەمەس, سونىمەن قاتار جاڭالارى ىسكە قوسۋعا سۇيەنە وتىرىپ, وسى كورسەتكىشتەردەن اسىپ ءتۇسۋدى جوسپارلاپ وتىر.
سونىمەن قاتار 2021 جىلعى ناۋرىزدا زاۋىت KIA اۆتوموبيلدەرىن شىعارۋدى باستادى. وتكەن ايدا قوستانايدا «سارىارقااۆتوپروم» مەن «اۆتوۆاز» اراسىندا سەرىكتەستىك تۋرالى كەلىسىمگە قول قويىلدى.
قازاقستاننىڭ ءىرى اۆتوموبيل زاۋىتىنىڭ بيىلعى جوسپارلانىپ وتىرعان كولەمى وتاندىق وندىرۋشىلەرگە جىلىنا 100 مىڭ بىرلىك تەحنيكا بەلگىسىنە شىعۋعا مۇمكىندىك بەرەدى.
