اقتوبە قالاسىنداعى وڭتۇستىك اينالما جولدا 44 جاستاعى قالا تۇرعىنى تۇندە جولدى كەسىپ وتپەك بولعاندا جۇك كولىگىنىڭ استىنا ءتۇسىپ قازا تاپتى.
«جۇك كولىگىنىڭ جۇرگىزۋشىسى – تۇركيا ازاماتى. ول وڭتۇستىك اينالما جولمەن جۇرگەن كەزدە ايەلدى قاعىپ كەتكەن. جول-كولىك وقيعاسى سالدارىنان جاياۋ جۇرگىنشى جەدەل جاردەم اۋرۋحاناسىنىڭ جانساقتاۋ بولىمىنە جاتقىزىلدى. زارداپ شەككەن جۇرگىنشى ەسىن جيماستان اۋرۋحانا توسەگىندە كوز جۇمدى. اتالعان فاكتى بويىنشا قر قك 345-بابى 3-بولىگى بويىنشا سوتقا دەيىنگى تەرگەۋ باستالدى», دەپ حابارلادى وبلىستىق پد ءباسپاسوز قىزمەتىنىڭ جەتەكشىسى ەربولات سارقۇلوۆ.
