ونىڭ ايتۋىنشا, وتكەن جىلدىڭ قورىتىندىسى بويىنشا جۇمىسسىزدار سانى 449 مىڭ ادام.
«2018 جىلمەن سالىستىرعاندا جۇمىس كۇشى 43 مىڭ ادامعا كوبەيدى. ءوزىن-ءوزى جۇمىسپەن قامتىعاندار سانى 37 مىڭعا ازايدى. مينيسترلىك تۇراقتى تۇردە مونيتورينگ, ساراپتامالىق تالداۋلار جۇرگىزەدى. 2019 جىلدىڭ 4-توقسانىندا ۋاقىتشا جۇمىس ىستەمەيتىندەر سانى 99 مىڭ بولسا, بىلتىر ناعىز قيىن كەزەڭ - 2-ءشى توقساندا ۋاقىتشا جۇمىس ىستەمەيتىندەر سانى 536 مىڭدى قۇرادى نەمەسە 4,5 ەسەگە ۇلعايدى. ءتيىستى شارالار قابىلداۋدىڭ ارقاسىندا جىل سوڭىندا بۇل كورسەتكىش تومەندەدى. ياعني, قولدانىلعان شارالار ءوز تيىمدىلىگىن جانە ەكونوميكانىڭ تۇراقتىلىعىن كورسەتتى», دەدى ۆيتسە-مينيستر.
قر ەحاقم جۇمىسىزدىق دەڭگەيىنىڭ ارتۋىنا جول بەرمەس ءۇشىن «ەڭبەك» باعدارلاماسى, «جۇمىسپەن قامتۋ جول كارتاسى» سياقتى بىرقاتار جوبالاردى ىسكە اسىرۋدا.
