كەلەس-شىمكەنت اراسىنا قاتىنايتىن تاكسيلەر تۇراتىن تۇراقتا, ءبىر كولىك جۇرگىزۋشىسىنىڭ باسقالارعا تاپانشاسىن كورسەتىپ تۇرعان بەينەجازباسى قۇقىق قورعاۋشىلار نازارىنا ىلىككەن. قالا تۇرعىنىندا قارۋدىڭ قايدان جۇرگەنى, زاڭدى نەمەسە زاڭسىز ەكەندىگىن انىقتاۋ ماقساتىندا سول اۋماققا بەلگىلەنگەن ۋچاسكەلىك ينسپەكتور وقيعا ورنىنا شىعىپ, ىزدەستىرۋ جۇمىستارىن جۇرگىزگەن. كەلەس اپب جەرگىلىكتى پوليتسيا قىزمەتىنىڭ ۋچاسكەلىك پوليتسيا ينسپەكتورى مەيىرجان تاستەمىر كۇماندى «نيسسان تيانو» ماركالى كولىكتى تابادى. ونىڭ كولىگىن تەكسەرۋ كەزىندە زاڭسىز «AGENT رەۆولۆەر» ماركالى تاپانشا اتىس قارۋى تابىلىپ, ايعاقتى زات رەتىندە تاركىلەنىپ الىنعان.
اتالعان جايت قر قك-ءنىڭ 287-بابى (قارۋدى, وق-دارىلەردى, جارىلعىش زاتتاردى جانە جارىلىس قۇرىلعىلارىن زاڭسىز يەمدەنۋ, بەرۋ, وتكىزۋ, ساقتاۋ, تاسىمالداۋ نەمەسە الىپ ءجۇرۋ) بويىنشا تىركەلدى. كۇدىكتى تۇرعىن ءوز جاۋابىندا قارۋدى تاۋىپ العانىن ايتقان. قۇجاتسىز قارۋ تاركىلەنىپ, سوت-بالليستيكالىق ساراپتاما تاعايىندالدى. ساراپتاما قورىتىندىسىمەن تاپانشانىڭ گازدى اتىس قارۋ ەكەندىگى بەلگىلى بولدى.
