35 جانە 48 جاستاعى ەكى كۇدىكتى ەسىرتكى زاتتارىن قايتا ساتۋ جانە باعانىڭ ايىرماشىلىعىمەن اقشا تابۋ ماقساتىندا ساتىپ العان. بىرنەشە مينۋتتان كەيىن قىلمىستىق ەسىرتكى ساۋداسىنىڭ ءۇشىنشى قاتىسۋشىسى ۇستالدى. الايدا ەسىرتكى ساتۋمەن اينالىساتىن كاسىپكەرلەر ولاردىڭ سوڭىنان اڭدىپ جۇرگەن ادام بار ەكەندىگىن بىلمەگەن.
– پوليەتيلەن پاكەتتەرگە سالىنعان, ەسىرتكى زاتىن گاشيشتى تاسىمالداۋ كەزىندە ەكى كۇدىكتى ۇستالدى, جالپى سالماعى 1,060 گرامم. ءۇشىنشى كۇدىكتى دە انىقتالدى, ودان قايتا ساتۋ ءۇشىن تاۋارلار 150 مىڭ تەڭگەگە ساتىپ الىندى. بولاشاقتا ەسىرتكى الىپساتارلارى مۇنىڭ ءبارىن 180 مىڭ تەڭگەگە ساتۋدى جوسپارلادى, ياعني 30 مىڭ تەڭگەگە بايىپ كەتۋدى كوزدەدى. ناتيجەسىندە بارلىق ۇستالعاندار قر قك-ءنىڭ 297-بابى 4-بولىگى بويىنشا قىلمىستىق جاۋاپكەرشىلىككە تارتىلدى. ۇستالعاندار الماتى قالاسىنداعى پد ۋاقىتشا ۇستاۋ يزولياتورىنا ورنالاستىرىلدى. ەندى ولارعا مۇلكىن تاركىلەۋمەن 15 جىلدان 20 جىلعا دەيىن باس بوستاندىعىنان ايىرۋ جازاسى كۇتىلۋدە, – دەدى الماتى قالالىق پوليتسيا دەپارتامەنتى باستىعىنىڭ ورىنباسارى بەرىك ابىلبەكوۆ.
