قوعام • 15 ءساۋىر، 2021

پرەزيدەنتتىڭ سىنىنان كەيىن مينيسترلىكتە جول ساپاسى تالقىلاندى

40 رەت كورسەتىلدى

يندۋستريا جانە ينفراقۇرىلىمدىق دامۋ مينيسترلىگىندە مينيستر بەيبىت اتامقۇلوۆتىڭ توراعالىق ەتۋىمەن اۆتوموبيل جولدارى مەن ەلدىمەكەندەردەگى كوشەلەردىڭ ساپاسىنا ارنالعان سەلەكتورلىق جيىن ءوتتى. وعان قر يدم اۆتوموبيل جولدارى كوميتەتىنىڭ توراعاسى سايرانبەك بارماقوۆ، «قازاۆتوجول» ۇك» اق باسقارما توراعاسى ۇلان ءالىپوۆ، سونداي-اق، جەرگىلىكتى اتقارۋشى ورگانداردىڭ وكىلدەرى قاتىستى، دەپ حابارلايدى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.

پرەزيدەنت قاسىم-جومارت توقاەۆ جول جەلىسىنىڭ ساپاسىنا قاتىستى ازاماتتاردىڭ ايتىپ جۇرگەن سىنى ورىندى دەپ باعا بەرىپ، قالىپتاسقان جاعدايدى رەتتەۋ ءۇشىن جۇيەلى شارالاردى قابىلداۋدى جۇكتەگەن بولاتىن.

جەرگىلىكتى ماڭىزى بار جولداردىڭ جالپى ۇزىندىعى – 71 مىڭ شاقىرىم، سونىڭ 25%-ى بۇگىندە قاناعاتتانارلىقسىز جاعدايدا. 2025 جىلعا دەيىن جەرگىلىكتى ماڭىزى بار جولدىڭ 27 مىڭ شاقىرىمىنا جوندەۋ جۇرگىزۋ كوزدەلگەن. بۇل جولداردىڭ 95%-ىن ءنورماتيۆتى جاعدايعا جەتكىزۋگە مۇمكىندىك بەرەدى.

رەسپۋبليكالىق بۇقارالىق اقپارات قۇرالدارىندا جانە الەۋمەتتىك جەلىلەردە قازاقستاندىقتاردىڭ جەرگىلىكتى جەلىدەگى جولداردىڭ ساپاسىنا قاتىستى جاريالانىمدارى مەن پىكىرلەرى جيىلەپ كەتتى. اتالعان ماسەلە مينيسترلىكتىڭ ءجىتى باقىلاۋىندا. وسىلايشا، قر يدم اۆتوموبيل جولدارى كوميتەتى جول اكتيۆتەرىنىڭ ۇلتتىق ساپا ورتالىعى جۇرگىزگەن تەكسەرىستەردىڭ ناتيجەسى بويىنشا 2020 جىلى رەسپۋبليكالىق جەلىدە انىقتالعان ەسكەرتۋلەردىڭ 2%-ى تۇزەتىلمەگەن. جەرگىلىكتى جەلى مەن ەلدىمەكەن كوشەلەرى بويىنشا بۇل كورسەتكىش 25%-دى قۇرادى.

كەزدەسۋدى قورىتىندىلاي كەلە، قر يدم باسشىسى وسى ماسەلەلەردى كەشەندى شەشۋ ءۇشىن جولدار مەن كوشەلەردى ورتاشا جانە اعىمداعى جوندەۋ بويىنشا اۋماقتىق مەملەكەتتىك ساۋلەت-قۇرىلىس باقىلاۋ ورگاندارىنىڭ قىزمەتىن كەڭەيتۋ قاجەتتىگىن، سونىمەن قاتار بارلىق دەڭگەيدەگى اۆتوموبيل جولدارىن كۇتىپ-ۇستاۋعا قارجىلاندىرۋدىڭ نورماتيۆتىك دەڭگەيىن قامتاماسىز ەتۋ كەرەكتىگىن العا تارتتى. بۇدان بولەك، وبلىستىق جانە اۋداندىق ماڭىزى بار اۆتوموبيل جولدارى مەن ەلدىمەكەندەردەگى كوشەلەردى ورتاشا جوندەۋگە جوبالىق-تەحنيكالىق قۇجاتتامانى دايىنداۋ مەن بەكىتۋگە قويىلاتىن تالاپتاردى كۇشەيتۋ جانە ايماقتىق ورتا جانە اعىمداعى جوندەۋلەر كەزىندە تەحنيكالىق قاداعالاۋدى رەتتەۋ ءۇشىن مىندەتتى ۆەدومستۆولىق ساراپتامادان ءوتۋ قاجەتتىلىگى اتاپ ءوتىلدى.

ساپانى جاقسارتۋ ماسەلەسىنىڭ تاعى ءبىر شەشىمى وبلىستىق جانە اۋداندىق ماڭىزى بار اۆتوموبيل جولدارىن، سونداي-اق ەلدىمەكەندەر كوشەلەرىن ورتاشا جانە اعىمدىق جوندەۋ كەزىندە تەحنيكالىق قاداعالاۋدى قامتاماسىز ەتۋ بولادى. بۇل رەتتە، اۆتوموبيل جولدارى كوميتەتىنە، «قازاۆتوجول» ۇك» اق جانە جەرگىلىكتى اتقارۋشى ورگاندارعا جول جەلىسىنىڭ ساپاسىن جاقسارتۋ جونىندەگى تاپسىرمالاردىڭ ورىندالۋىن ەرەكشە باقىلاۋعا الۋ تاپسىرىلدى. سونىمەن قاتار، مينيسترلىك وڭىرلەردىڭ رەيتينگىسىن جاسايتىن بولادى. بۇل جەرگىلىكتى ماڭىزى بار اۆتوموبيل جولدارىن سالۋ، رەكونسترۋكتسيالاۋ جانە جوندەۋ ساپاسىنا وڭ اسەر ەتەتىن بولادى.

سوڭعى جاڭالىقتار

بالۋان شولاقتىڭ دومبىراسى

ونەر • بۇگىن، 09:00

جازعا سالەم جولدايىق

ونەر • بۇگىن، 08:55

جىلقىشى اۋىلدىڭ جاقسىلىعى

ايماقتار • بۇگىن، 08:54

قانمەن جازىلعان كارتينالار

تاريح • بۇگىن، 08:45

ستۋدەنتتەردىڭ ءسوز سايىسى

ونەر • بۇگىن، 08:41

وڭتايلى ونلاين اۋكتسيون

تەحنولوگيا • بۇگىن، 08:35

قولدى بولىپ جاتقان قاراۋسىز مال

ايماقتار • بۇگىن، 08:30

براكونەرگە بۇعاۋ بولماي ما؟

ايماقتار • بۇگىن، 08:28

2021 جىل – قالپىنا كەلۋ كەزەڭى

كوروناۆيرۋس • بۇگىن، 08:25

كيىك كۇيىك پە؟

ەكولوگيا • بۇگىن، 08:18

قاۋىپتىڭ بەتىن ۆاكتسينا قايتارادى

مەديتسينا • بۇگىن، 08:15

«وسىعان دەيىن نەگە بىرىكپەدى؟»

مەديتسينا • بۇگىن، 08:13

قورقىنىشتى سەيىلتۋ قۇرالى

مەديتسينا • بۇگىن، 08:11

ءۇي سالعانعا – ۇلكەن كومەك

قوعام • بۇگىن، 08:05

بارتيمەن شەبەرلىك بايقاستى

تەننيس • بۇگىن، 08:05

«جىگىتتەر بار نارقاسقا...»

سپورت • بۇگىن، 07:59

ەكونوميكا دامۋ جولاعىنا شىقتى

ەكونوميكا • بۇگىن، 07:58

تۇركىستاننىڭ جاڭا ءداۋىرى

قوعام • بۇگىن، 07:55

ۇقساس جاڭالىقتار