ورمان-دالا ورتتەرى الماتى, اتىراۋ, جامبىل, قىزىلوردا, تۇركىستان, باتىس قازاقستان, قاراعاندى وبلىستارىندا جانە الماتى قالاسىندا ورىن الدى.
وتكەن تاۋلىكتە الماتى, باتىس قازاقستان جانە قاراعاندى وبلىستارىندا قۇرعاق ءشوپ پەن قامىستىڭ 9 جانۋى تىركەلدى.
ماسەلەن, 13 ساۋىردە ساعات 10.25-تە بالقاش اۋدانىنىڭ جەلتوراڭعى اۋىلىنان ون شاقىرىم جەردەگى ۋچاسكەدە قۇرعاق ءشوپ پەن قامىس جاندى. جانۋدىڭ الدىن الۋ كولەمى 14 گا قۇرادى. جانعان جەرلەردىڭ باتپاقتى بولۋى جانە وسىمدىكتەردىڭ قالىڭ ءوسۋى ءسوندىرۋ جۇمىستارىن قيىنداتا تۇسكەن. جانۋدى ءسوندىرۋ جۇمىستارىنا الماتى وبلىسى تجد مەن قۇرتى ورمان شارۋاشىلىعىنان 18 قىزمەتكەر مەن 3 تەحنيكا جۇمىلدىرىلدى.
13 ساۋىردە ساعات 19.24-تە بالقاش اۋدانىنىڭ كوكتال اۋىلىنان ون بەس شاقىرىم جەردە قۇرعاق ءشوپ پەن قامىس جاندى. جانۋدىڭ الدىن الا كولەمى 5 گا قۇرادى. جانۋدى ءسوندىرۋ جۇمىستارىنا الماتى وبلىسى تجد مەن قۇرتى ورمان شارۋاشىلىعىنان 9 قىزمەتكەر مەن 2 تەحنيكا جۇمىلدىرىلدى.
تجم ورمان جانە دالا القاپتارىندا ءورت قاۋىپسىزدىگىن قامتاماسىز ەتۋگە تۇراقتى مونيتورينگ جۇرگىزەدى, سونداي-اق پروفيلاكتيكالىق ءىس-شارالار, رەيدتىك ءىس-شارالار, حالىق, ورمان جانە شارۋا قوجالىقتارىنىڭ قىزمەتكەرلەرى اراسىندا ءتۇسىندىرۋ جۇمىستارىن جۇرگىزەدى.
بيىلعى ءساۋىر ايىنىڭ باسىنان باستاپ ورمان-دالا القاپتارى مەن دەمالىس ورىندارىندا پوليتسيامەن بىرلەسىپ 20 بىرلەسكەن رەيد (پاترۋلدەۋ) (سانى 954 ادام بولاتىن 240 ءموبيلدى توپ) وتكىزىلدى. ونىڭ ناتيجەسى بويىنشا زاڭسىز ورتەۋ, اۋىل شارۋاشىلىعى القاپتارىندا قۇرعاق ءشوپتىڭ باقىلانباي ورتەلۋى, ستەرنيدى ورتەۋ جانە باسقا دا ءورت قاۋىپسىزدىگى ەرەجەلەرىن بۇزعانى ءۇشىن 2 ادام اكىمشىلىك جاۋاپكەرشىلىككە تارتىلدى.
تابيعي ورتتەردىڭ پايدا بولۋىنىڭ نەگىزگى سەبەپتەرى: سوندىرىلمەگەن تەمەكى, وت, جانىپ جاتقان سىرىڭكە, اتۋدان كەيىن بىقسىعان شاڭ, مايلى شۇبەرەك نەمەسە شۇبەرەك, شىنى بوتەلكە, كۇن ساۋلەسىنىڭ سىنۋى, كولىك قۇرالىنىڭ سوندىرگىشىنەن شىققان ۇشقىن, قۇرعاق ەسكى ءشوپتى جاعۋ, نايزاعايلار.
