ايماقتار • 14 ءساۋىر، 2021

جەتىسۋدا جۇقپالى ىندەتتىڭ تارالۋى جيىلەدى

19 رەت كورسەتىلدى

جەتىسۋدا جۇقپالى ىندەتتىڭ تارالۋى جيىلەپ بارادى. قازىر ايماقتاعى ەپيدەميالىق جاعداي اسقىنىپ، ءوڭىر «قىزىل ايماق» ساناتىنا قوسىلعان. كارانتين شەكتەۋى دە قاتاڭداتىلدى. الايدا كوروناۆيرۋس جۇقتىرعان ناۋقاس سانى ازايار ەمەس، دەپ حابارلايدى Egemen.kz.

وتكەن وبلىس بويىنشا 226 ادامنان كوروناۆيرۋس بەلگىسى تابىلعان ەكەن. سونىڭ ىشىندە تالدىقورعان قالاسىندا 53 ناۋقاس دارگەرلىك كومەككە جۇگىنسە، ەڭبەكشىقازاق اۋدانىندا – 33، پانفيلوۆ اۋدانىندا – 29، ىلە اۋدانىندا - 27، تالعار اۋدانىندا – 23، جامبىل جانە كوكسۋ اۋداندارىندا 16 جاعداي انىقتالىپ وتىر. ال قاراساي اۋدانىندا – 10، ەسكەلدى اۋدانىندا – 5، اقسۋ، بالقاش، كەربۇلاق اۋداندارىندا 3 جاعدايدان، ۇيعىر اۋدانى مەن قاپشاعاي قالاسىندا 2 جاعدايدان، الاكول اۋدانىندا 1 جاعداي تىركەلدى. بۇگىندە وبلىس اۋرۋحانالارىندا 2510 جۇقپالى ىندەتكە قارسى ادام ەم قابىلداپ جاتىر. وكىنىشكە قاراي، 25 ناۋقاستىڭ جاعدايى اۋىر ەكەن ال ايماق بويىنشا جۇقپالى اۋرۋلار ستاتسيونارلارىنداعى ورىن سانى 61 پايىزعا تولىققان. سونداي-اق وتكەن تاۋلىكتە وبلىس بويىنشا 126 ادام كوروناۆيرۋس ىندەتىنەن ەمدەلىپ شىققان كورىنەدى.

ايتپاقشى، وڭىردە كوروناۆيرۋسقا قارسى ۆاكتسيناتسيالاۋ جۇمىسى قىزۋ ءجۇرىپ جاتىر. قازىر ەكپە سالۋ ءىسى بارلىق اۋداندا باستالعان. مىسالعا، ەڭبەكشىقازاق اۋداندىندا «سپۋتنيك-V» ۆاكتسيناسىنىڭ 1-كومپونەنتىن 7265 ادام العان. ال ۆاكتسينانىڭ ەكى كومپونەنتىن تولىق العاندار سانى 1196 ادامعا جەتىپتى. اۋدانداعى حالىق كوپ شوعىرلانعان ەسىك قلاسى مەن شەلەك اۋىلىنداعى اۋداندىق اۋرۋحانالاردا ەكپە كابينەتتەرى اشىلىپ، اۋىلدارداعى امبۋلاتوريالاردا دا ەكپە سالۋ ءجۇرىپ جاتىر. سونداي-اق جىلجىمالى ەكپە بريگادالارى قۇرىلعان. قازىر بۇل بريگادالار اۋدانداعى ۇلكەن ءوندىرىس ورىندارى «Adal» جانە «FoodMaster» كومپانيالارىنا بارىپ، جۇمىسشىلار مەن قىزمەتكەرلەرگە كوروناۆيرۋسقا قارسى ۆاكتسينا سالۋدا.

سوڭعى جاڭالىقتار

اقىرەتكە دەيىنگى ادالدىق

ونەر • بۇگىن، 10:23

ۇقساس جاڭالىقتار