وقيعا • 14 ءساۋىر، 2021

پوليتسيا قىزمەتكەرى ءجاسوسپىرىمنىڭ ولىمىنە سەبەپ بولدى

46 رەت كورسەتىلدى

اقش پوليتسەيى 16 جاسار ءجاسوسپىرىمنىڭ ولىمىنە سەبەپكەر بولدى، دەپ حابارلايدى Egemen.kz news.ru سايتىنا سىلتەمە جاساپ.

قايعىلى وقيعا مەريلەند شتاتىندا ورىن العان.

پوليتسيا باسقارماسىنىڭ مالىمەتىنشە، سەنت-مەري وكرۋگىنىڭ بولىمىنە ەكى ەر ازاماتتان كوشەدە قارۋلى ءجاسوسپىرىمنىڭ جۇرگەنى جايلى شاعىم تۇسكەن، ءمان-جايدى انىقتاۋ ماقساتىندا پاترۋلدىك پوليتسيا قىزمەتكەرى وقيعا ورنىنا كەلگەن.

«كۋاگەرلەردىڭ ايتۋىنشا، بالا تاپانشانى پوليتسياعا كەزەنگەن، قورعانىس ماقساتىندا قۇقىق قورعاۋشى جاس جىگىتتى اتىپ، جاراقاتتاعان. كۋاگەرلەردىڭ ءبىرى ءبىرىنشى وقتان كەيىن جاس جىگىتتىڭ پىشاقتى سۋىرىپ الىپ، تۇرۋعا تىرىسقانىن ايتادى. وفيتسەر وعان قارۋىن تاستاۋدى بۇيىردى»، دەلىنگەن News.ru حابارلاماسىندا.

وسىدان كەيىن پوليتسيا قىزمەتكەرى اتىس تۋرالى حابارلاپ، جەدەل جاردەم شاقىرادى. كەيىن جەتكىنشەك اۋرۋحانادا قايتىس بولدى.

زەرتتەۋ ناتيجەلەرىندە تاپانشا اەروفت ويناۋعا ارنالعان قارۋ ەكەنى انىقتالدى. تەرگەۋ بارىسىندا پوليتسەي جۇمىستان شەتتەتىلدى، دەلىنگەن ماقالادا.

 

سوڭعى جاڭالىقتار

اقىرەتكە دەيىنگى ادالدىق

ونەر • بۇگىن، 10:23

ۇقساس جاڭالىقتار