«بۇل جوبا 2019 جىلدىڭ قىركۇيەك-قازان ارالىعىندا جۇزەگە اسىرىلدى. تەحنولوگيانىڭ ارتىقشىلىعى سول, سۋدى دا, قاراجاتتى دا ۇنەمدەۋگە مۇمكىندىك بەرەدى. وسى تاجىريبەنى ەسكەرىپ, الداعى بەس جىلدا «قازسۋشار» مەكەمەسىنىڭ تۇركىستان فيليالىنداعى 25 سۋ كانالى اۆتوماتتاندىرىلادى. ناتيجەسىندە, سۋارمالى سۋدى 20%-عا ۇنەمدەۋگە قول جەتكىزىلەدى دەپ بولجانۋدا. وسىلايشا, ەگىستىككە سۋ جىبەرۋدە ادام فاكتورى ورىن المايدى», دەدى «قازسۋشار» كاسىپورنىنىڭ تۇركىستان فيليالىنداعى اۆتوماتتاندىرۋ ءبولىمىنىڭ جەتەكشىسى قالدارحان مەيىرمانوۆ.
وسىعان دەيىن بۇل كانالدا سۋ ءداستۇرلى جولمەن ەسەپتەلىپ كەلدى. سوندىقتان سۋ شىعىنىن دۇرىس باقىلاۋ قيىنعا سوعىپ, قولداعى رەسۋرستى ءتيىمسىز پايدالانۋ ادەتتەگى جاعدايعا اينالدى.
«ەلىمىزدەگى ۇلكەن پروبلەمانىڭ ءبىرى – ارتىق سۋ جوعالتۋ. ونىڭ كولەمى قازىر 40%-دى قۇرايدى. سول سەبەپتى رەسپۋبليكالىق بيۋدجەت پەن شەتەلدىك بانكتەردەن قاراجات تارتۋ ارقىلى سۋدىڭ ەسەبىن تسيفرلاندىرۋ ناتيجەسىندە باقىلاۋ قولعا الىندى. جاڭا تەحنولوگيا ءۇش اي ىشىندە ناتيجەسىن بەرىپ, سۋ شىعىنى ازايا باستادى. الداعى جوسپارىمىز – 5 جىل ىشىندە ەلىمىزدەگى 119 ءىرى كانالداردى تسيفرلاندىرۋ», دەدى ەكولوگيا, گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ.
ۆەدومستۆو باسشىسى جەرگىلىكتى حالىقتىڭ شاعىمدارىن تىڭداپ, تۇرعىندار سۋارمالى ماۋسىمدا سۋدى ۋاقتىلى جەتكىزۋگە بايلانىستى وتىنىشتەرىن ءبىلدىردى. مينيستر ەلىمىزدە 30-عا جۋىق سۋ قويماسى جوندەۋدى تالاپ ەتەتىنىن, قازىر كانالداردىڭ ءبىرازى جوندەلىپ, قالعانىندا جوبالىق-سمەتالىق قۇجاتتار دايىندالىپ جاتقانىن ءتۇسىندىردى. سونىمەن بىرگە سۋدى ۇنەمدەۋ ديقانداردىڭ وزدەرىنە دە بايلانىستى ەكەنىن جەتكىزدى.
«ۆەگەتاتسيالىق ماۋسىم جاقىنداپ كەلەدى. فەرمەرلەردى سۋمەن قامتاماسىز ەتۋ – ءبىزدىڭ نەگىزگى جانە ستراتەگيالىق مىندەتىمىز. ماۋسىمنىڭ ءساتتى ءوتۋى وسىعان بايلانىستى. وبلىستا اۋدانى 300 مىڭ گەكتاردان اساتىن سۋارمالى جەرلەر بار, جۇمىس تاۋلىك بويى جۇرگىزىلۋى ءتيىس, سوندىقتان سۋ ۇنەمدەۋ تەحنولوگيالارىن پايدالانۋ ماڭىزدى. سونداي-اق اۋىل شارۋاشىلىعى تاۋارلارىن وندىرۋشىلەردىڭ وزدەرى دە سۋدى ۇقىپتى جانە ءتيىمدى پايدالانۋى قاجەت», دەدى م.مىرزاعاليەۆ.
وڭىردە توزىعى جەتكەن سۋ شارۋاشىلىعى ينفراقۇرىلىمىن قايتا قۇرۋ باعىتىندا اۋقىمدى جوبا ىسكە اسىرىلۋدا. كوپتەگەن نىسان وتكەن عاسىردىڭ باسىندا پايدالانۋعا بەرىلگەندىكتەن جوندەۋ مەن قالپىنا كەلتىرۋدى قاجەت ەتەدى. اتالعان جوبا كۇنگەيدەگى 62,3 مىڭ گەكتار سۋارمالى جەردى قامتىپ, سۋدىڭ شىعىنىن جىلىنا 199 ملن تەكشە مەترگە دەيىن ازايتۋعا, ەگىستىكتەردى سۋمەن قامتاماسىز ەتۋدى 100%-عا دەيىن ارتتىرۋعا جانە اۋىل تۇرعىندارى ءۇشىن 12,4 مىڭ جاڭا جۇمىس ورنىن قۇرۋعا مۇمكىندىك بەرەدى.
«قازاقستان جىل سايىن كورشىلەس ەلدەرمەن ترانسشەكارالىق سۋ رەسۋرستارىن پايدالانۋ جونىندە كەلىسسوزدەر جۇرگىزىپ جاتقانى بەلگىلى. الدىن الا قابىلدانعان شارالار وتە ماڭىزدى. الايدا سۋمەن قامتاماسىز ەتۋدە سۋ شارۋاشىلىعى نىساندارىنىڭ جاي-كۇيى دە ماڭىزدى ورىن الادى. سوندىقتان ونىڭ تيىمدىلىگىن قامتاماسىز ەتۋ ءۇشىن جۇمىستى كۇشەيتۋ ماڭىزدى», دەدى ەلىمىزدىڭ باس ەكولوگى.
مينيسترلىكتىڭ باستاماسىمەن قولعا الىنعان «يرريگاتسيالىق جانە درەناجدىق جۇيەلەردى جەتىلدىرۋ (يدججج-2) جوباسى ارقىلى «ماقتاارال-1» ءبىرىنشى جىبەرۋ كەشەنى, «ماقتاارال-1» ەكىنشى جىبەرۋ كەشەنى, «ارىس-تۇركىستان», «قىزىلقۇم-1» جانە «ماقتاارال-2» يرريگاتسيالىق-درەناجدى جەلىلەرىن ىسكە قوسۋ جوسپارلانعان.
