وقيعا • 13 ءساۋىر، 2021

2 ادامنىڭ ءومىرىن قيعان كولىك جۇرگىزۋشىسى سوتتالدى

1747 رەت كورسەتىلدى

الماتىدا 59 جاستاعى ايەل ولىممەن اياقتالعان جول اپاتى ءۇشىن سوتتالدى، دەپ حابارلايدى Egemen.kz Polisia.kz سايتىنا سىلتەمە جاساپ.

بۇل جول-كولىك وقيعاسى الماتى قالاسىنىڭ بوستاندىق اۋدانىندا ورىن العان.

س.م.تانەكەەۆا ەسىمدى ازاماتشا «Toyota Land Cruiser Prado» اۆتوكولىگىمەن  ەسقاراەۆا كوشەسىمەن شىعىس باعىتتا كەلە جاتىپ، روزىباكيەۆ كوشەسىمەن قيىلىسقانداعى «جول بەرىڭىز» بەلگىسىن ەلەمەي جول قيىلىسىنا شىعىپ كەتكەن.  سول جەردە روزىباكيەۆ كوشەسىمەن سولتۇستىككە قاراي ءجۇرىپ كەلە جاتقان «Lexus GX-300» ماركالى اۆتوكولىكپەن سوعىسقان. سوققى ناتيجەسىندە «Lexus» ينەرتسيامەن جول جيەگىندە تۇرعان ءتورت جاياۋ جۇرگىنشىنى قاققان. ولاردىڭ ءبىرى – 1992 جىلى تۋعان ازاماتشا، العان جاراقاتتارىنان وقيعا ورنىندا قايتىس بولدى. تاعى ءبىر جاياۋ جۇرگىنشى – 1994 جىلعى ازامات اۋرۋحانادا كوز جۇمدى. باسقا زارداپ شەككەندەر مەديتسينالىق مەكەمەلەرگە جاتقىزىلدى، – دەدى الماتى قالالىق پوليتسيا دەپارتامەنتى باستىعىنىڭ ورىنباسارى رۋستەم ءابدراحمانوۆ.

سوتقا دەيىنگى تەرگەۋ قر قك-ءنىڭ 345-بابى 4-بولىگىنە سايكەس قىلمىستىق قۇقىق بۇزۋشىلىق بەلگىلەرى بويىنشا جۇرگىزىلدى. جۇرگىزىلگەن تەرگەۋ ارەكەتتەرى، سونداي-اق، ساراپتامالىق زەرتتەۋلەر س.تانەكەەۆانىڭ كىناسىن دالەلدەدى. الماتى قالاسىنىڭ بوستاندىق اۋداندىق سوتىمەن ەكى ادامنىڭ ولىمىنە اكەپ سوققان جول-كولىك وقيعاسى ءۇشىن كىنالى دەپ تانىلىپ، بەس جىلعا باس بوستاندىعىنان ايىرىلدى.

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار